بوكستان الەم چەمپيوناتى: قازاقستان جالپى كوماندالىق ەسەپ بويىنشا 8- ورىنعا تۇراقتادى

استانا. قازاقپارات - دوحا قالاسىندا ەرلەر اراسىنداعى بوكستان الەم چەمپيوناتى اياقتالدى. ونىڭ بارىسىندا 10 ناگرادا جيىنتىعى ويناتىلدى، دەپ حابارلايدى Sports.kz.

ەلدەر بويىنشا ەسەپتە كۋبا جەڭىسكە جەتتى (4-2-1)، ەكىنشى ورىندى رەسەي (2-1-1) الدى، ۇزدىك ۇشتىكتى ازەربايجاندىقتار (1-1-2) تۇيىقتادى.

قازاقستان قۇراماسى ەكى كۇمىسپەن 8- ورىنعا تۇراقتادى.

ەسكە سالايىق، دوحادا بوكستان مارەگە جەتكەن الەم چەمپيوناتىنىڭ اقتىق شايقاسىندا قازاقستاندىق بوكسشى يۆان دىچكو مەن قازاقستان قۇراماسىنىڭ كاپيتانى دانيار ەلەۋسىنوۆ كۇمىس جۇلدە يەلەندى.