الماتىدا 8 كاسىپورىن مۇلدە ومىردە جوق ادامنىڭ اتىنا تىركەلگەن
بۇل تۋرالى قالالىق پروكۋراتۋرانىڭ باسپا ءسوز قىزمەتى حابارلادى.
اعىمداعى جىلدىڭ 9 ايىنىڭ قورىتىندىسى بويىنشا الماتى قالاسى جەتىسۋ اۋدانىنىڭ پروكۋراتۋراسى مەملەكەتكە كەلتىرىلگەن شىعىن تۇرىندە 1216244099 تەڭگە ءوندىردى.
ونىڭ ىشىندە جالعان كاسىپكەرلەردى اشكەرەلەۋ باعىتىندا اتقارىلعان جۇمىس ناتيجەسىندە 329756981 تەڭگە وتەلدى. وسى ۋاقىت ارالىعىندا مۇلدە ومىردە جوق ادامنىڭ اتىنا تىركەلگەن 8 كاسىپورىننىڭ مەملەكەتتىك تىركەۋى سوتپەن جارامسىز دەپ تانىلدى.
جەتىسۋ اۋدانى پروكۋراتۋراسى جەكە ساناتتاعى سالىق تولەۋشىلەردىڭ تابىسىن تومەندەتىپ كورسەتەتىنىن انىقتادى.
10 نان اسا كاسىپورىن تۇراقتى تابىسى بولا تۇرا سالىق كەزەڭى دەكلاراتسياسىندا كەمىتىلگەن كورسەتكىشتەرىن ۇسىنعان. اتالعان دەرەكتەر بويىنشا اۋداندىق مەملەكەتتىك كىرىس باسقارماسىنا ۇسىنىس ەڭگىزىلىپ، قاراۋ ناتيجەسىمەن مەملەكەتتىك بيۋدجەتكە 685355149 تەڭگە تولىقتىرىلدى.
جالپى، وسى جىلدىڭ باسىنان بەرى اۋدان پروكۋراتۋراسى جانە ۋاكىلەتتى ورگاندارمەن ماجبۇرلەۋ شارالارى بويىنشا 6,5 ميلليارد تەڭگەدەن استام سالىق قارىزى ءوندىرىلدى.