جەڭىسكە دەيىن 8 كۇن قالدى. «قازاقپارات» ح ا ا سول كەزدەگى وقيعالار حرونيكاسىن ۇسىنادى.
1945 -جىلى 1 -مامىردا ساعات 3:50 مينۋتتا 8- گۆارديالىق اسكەردىڭ كوماندالىق بەكەتىنە گەرمانيالىق قۇرىلىقتاعى اسكەردىڭ باس شتابىنىڭ باستىعى جاياۋ اسكەر گەنەرال كەربستى اكەلدى. گيتلەردىڭ ءوز-وزىنە قول جۇمساعانىن ايتقان ول قىزىل اسكەر ارمياسىمەن كەلىسسوزدەر جۇرگىزۋگە نيەتتى ەكەنىن جەتكىزدى.
جۋكوۆ تەلەفون ارقىلى بۇل تۋرالى ستالينگە ايتتى. ستالين: «قارسىلاسپاي تىزە بۇگۋدەن باسقا ۇسىنىستى قابىلدامايمىز. كرەبسپەن دە، وزگە گيتلەرلىكتەرمەن دە كەلىسسوزدەر جۇرگىزبەيمىز».
نەمىس ۇكىمەتى قارسىلاسپاي تىزە بۇگۋگە كەلىسپەگەن سوڭ كەڭەس اسكەرى بەرليندەگى شابۋىلىن جالعاستىردى...
كەڭەس اقپارات بيۋروسى حابارلاعانداي، 1 -مامىردا پيللاۋ قالاسى مەن پورتىنىڭ وڭتۇستىك- باتىسىنا قاراي 3- بالارۋس فرونتىنىڭ اسكەرى فريش-نەرۋنگتى جاۋدان بوساتۋ بويىنشا كۇرەس جۇرگىزىپ، نارمەلن، براندحايدشەر، نويكرۋگ جانە فەگلەرس ەلدى-مەكەندەرىن باسىپ الدى.
2- بالارۋس فرونتىنىڭ اسكەرى 1 -مامىردا شترالزۋند، گريممەن، دەممين، مالحين، ۆارەن، ۆەزەن- بەرگ قالالارىن، سونىمەن قاتار شتەينحاگەن، ابسحاگەن، گرەمەرس-دورف، دەيەلسدورف، گنويەن، دارگۋن، نويكالەن، شتاۆەنحاگەن، گيلوۆ، شۆينكەندورف، مەللەنحاگەن، كراتتسەبۋرگ، كۆالتسوۆ، شترازەن ەلدى مەكەندەرىن باسىپ الدى.
1- بالارۋس فرونتىنىڭ اسكەرى 1 -مامىردا براندەنبۋرگ قالاسىن باسىپ الدى. سونىمەن قاتار ولار ليندوۆ قالاسى مەن الت- رۋپپين، حەرتسبەرگ، ۆۋتەنوۆ، ليحتەنبەرگ، نارۆە، بەەتتس، زوممەرفەلد ءىرى ەلدى- مەكەندەرىن جاۋلادى. بەرليندە فرونت اسكەرى قالانىڭ شارلوتتەنبۋرگ، شەنەبەر اۋداندارىن جاۋدان تازارتىپ، قالانىڭ ورتالىق بولىگىنىڭ 100 دەن استام ورامىن (كۆارتال) باسىپ الدى.
4- ۋكراينا فرونتىنىڭ اسكەرى 1 -مامىردا بوگۋمين، فريشتات، سكوچۋۆ، چادتسا جانە ۆەليكايا بيتچا قالالارىن باسىپ الدى. سونىمەن قاتار سكرجيپوۆ، ماركەرسدورف، سلاتينا، بيلوۆەتس، كليمكوۆيتسە، ۆيتكوۆيتسە، دەتماروۆيتسە، پەتروۆيتسە، سكاليتە، دوگۋباري، وحودنيتسا، نوۆە مەستو، پليەۆنيك ءىرى ەلدى مەكەندەرىن باعىندىردى.
برنو قالاسىنان شىعىسقا قاراي 2- ۋكراينا فرونتىنىڭ اسكەرى ۆىشكوۆ قالاسى مەن پۋحوۆ، لەدنيتسكە، كوشەتسا، يلياۆا، دۋبنيتسا، نەمشوۆا، جيتكوۆا، بيسكۋپيتسە، بيلوۆيتسە، بابيتسە، روشتىن، پۋستيمەرج ەلدى مەكەندەرىن جاۋلاپ الدى...
كەڭەس اسكەرىنىڭ جەڭىسىنە 8 كۇن قالدى.