بەيبىتشىلىك پەن تۇراقتىلىقتى نىعايتۋ جونىندەگى 8 مىندەت
بەيبىتشىلىك پەن تۇراقتىلىقتى نىعايتۋ جونىندەگى 8 مىندەت
1. قازاقستاندىق ۇقساستىقتى ءارى قاراي نىعايتۋ. ول ازاماتتىق پرينتسيپ نەگىزىندە بولۋى ءتيىس. بارلىق ازاماتتاردىڭ قۇقىقتارى، ولارعا ارتىلعان جاۋاپكەرشىلىك جۇگىنىڭ سالماعى مەن مۇمكىندىكتەرى بىردەي بولۋى ءتيىس.
«ماڭگىلىك ەل» يدەياسى بازاسىنداعى توپتاستىرۋشى قۇندىلىقتار - بۇل ازاماتتىق تەڭدىك؛ ەڭبەك سۇيگىشتىك؛ ادالدىق؛ عىلىم مەن بىلىمگە قۇشتارلىق؛ زايىرلى مەملەكەت - تولەرانتتى ەل. بۇل جاعدايدا ازاماتتىق تۇراقتى جانە تابىستى مەملەكەتتىڭ سەنىمدى فۋندامەنتى بولادى.
2. قازاق، ورىس جانە اعىلشىن تىلدەرىن - ءۇش تۇعىرلى ءتىلدى دامىتۋ - بۇل قوعامنىڭ شوعىرلانۋىنىڭ، ونىڭ باسەكەگە قابىلەتتىلىگى ارتۋىنىڭ كەپىلى.
3. باستى ماقساتىمىز، قازاقستاندىقتار جاڭا جالپى ۇلتتىق قۇندىلىقتاردى - قۇقىقتىڭ ۇستەمدىگى، مەملەكەتتىك داستۇرلەر، قازاقستاندىق قۇندىلىقتار مەن تاۋەلسىز جىلدارىنداعى جەتىستىكتەردى ءوز ەتنيكالىق مىنەز-قۇلىق مودەلدەرىنەن جوعارى قويۋى ءتيىس.
4. ەۋرازيالىق يدەيا بارلىق قازاقستاندىقتاردى بىرىكتىرەتىن يدەيا. ول قازاقستاندىقتىڭ بويىندا ازيالىق پەن ەۋروپالىقتىڭ ۇزدىك قاسيەتتەرىن جيناقتايدى.
5. ورتا تاپ قازاقستاندىق ۇلتتىڭ نەگىزى رەتىندە، كاسىبي مەملەكەتتىك اپپارات قۇرۋدىڭ نەگىزى رەتىندە قاراستىرىلادى.
6. جالپى ازاماتتىق قۇندىلىق جۇيەسى رەتىندە مەملەكەتتىڭ ماڭىزدى قۇجاتىندا راسىمدەلگەن «ماڭگىلىك ەل» يدەياسى بولۋى ءتيىس.
7. مەكتەپتەردە «ماڭگىلىك ەل» جالپى قازاقستاندىق يدەياسىنىڭ قۇندىلىقتارىن ۇيرەتەتىن ءبىلىم بەرۋ باعدارلاماسىن ەنگىزۋ قاجەت.
8. ءار ءدىن قازاقستاندىقتاردى بىرىكتىرۋگە، بەيبىتشىلىك پەن كەلىسىم ىسىنە، قوعام مەن ەكونوميكانىڭ دامۋىنا، مەملەكەتتىڭ نىعايۋىنا قىزمەت ەتۋى ءتيىس.