دۇڭگەن مادەني ورتالىعى ق ح ا جىلى مەن 8 - ناۋرىزعا وراي شارا وتكىزدى - فوتو
13:16, 09 - ناۋرىز 2015
استانا. قازاقپارات - قازاقستان دۇڭگەندەرى قاۋىمداستىعى سارىتوبە دۇڭگەن مادەني ورتالىعى ق ح ا 20 جىلدىعى مەن حالىقارالىق ايەلدەر كۇنىنە وراي مەرەكەلىك شارا وتكىزدى.
بۇل تۋرالى قاۋىمداستىقتىڭ باسپا ءسوز بايانىندا حابارلانعان.
جامبىل وبلىسى قورداي اۋدانى سارىتوبە اۋىلىندا 23 مىڭنان استام ادام تۇرادى. اۋىل تۇرعىندارىنىڭ 95 پايىز دۇڭگەندەر ، قالعان 5 پايىزى 14 ۇلتتىڭ وكىلدەرى.
مىنە، ەندى ولار اۋىلداعى مادەنيەت ورتالىعىندا قازاقستاندا تۇراتىن ءتۇرلى وكىلدەردىڭ مادەنيەتىمەن جاقىنىراق تانىسۋ ءۇشىن ارنايى شارا وتكىزدى.
ءسويتىپ، اۋىلدىڭ بەتكە ۇستار ءۇش ازاماتشاسى تاڭدالىپ، ولار جانۇيالارى، ۇلتتىق مادەنيەتى، سالت- ءداستۇرى جايلى باياندادى. جيىلعاندار ەلىمىزدە تۇراتىن ۇلتتار تۋرالى كوبىرەك ماعلۇمات الا الدى.