اقمولا وبلىسىندا 8 ءدىني قىزمەتكەر جۇمىسىنان بوساتىلدى

كوكشەتاۋ. قازاقپارات - اقمولا وبلىسىندا مەشىت قىزمەتكەرلەرى اتتەستاتسيادان ءوتتى. بۇل تۋرالى وبلىستىق ىشكى ساياسات باسقارماسىنىڭ جانىنداعى «اقمولا مەديا ورتالىعى» حابارلادى.

اتتەستاتسيالاۋ شاراسى باس ءمۇفتي، قازاقستان مۇسىلماندارى ءدىني باسقارماسىنىڭ ءتوراعاسى ەرجان قاجى مالعاجى ۇلىنىڭ تاپسىرماسى بويىنشا قولعا الىندى. اقمولا وبلىسىنىڭ مەشىتتەرىندە 139 ءدىني قىزمەتكەر جۇمىس ىستەيدى. ولاردىڭ بارلىعىمەن ارنايى ساراپتاما كوميسسياسى اتتەستاتسيالاۋ تەكسەرىسىن جۇرگىزدى. ءدىني قىزمەتكەرلەردىڭ بىرەۋى عانا «وتە جاقسى» دەگەن كورسەتكىشكە قول جەتكىزگەن. 21 ادام «تورتكە»، 69 ادام «قاناعاتتانارلىق» دەگەن باعا الدى. ال 15 ادام وتە الماي قالعان.

ناتيجەسىندە 8 ءدىني قىزمەتكەر قىزمەتىمەن حوش ايتىستى. سونداي-اق، تاعى 25 ادام (وقۋ، دەنساۋلىعىنا بايلانىستى) اتتەستاتسياعا قاتىسا المادى. ولار اتتەستاتسيادان ءسال كەيىنىرەك وتەتىن بولادى. مەشىتتەردە ۇزاق ۋاقىت جۇمىس ىستەگەن ءدىني قىزمەتكەرلەر اراسىندا الداعى ۋاقىتتا روتاتسيا بويىنشا اۋىس-ءتۇيىس بولۋى مۇمكىن.

اۆتور: اسلان وسپانوۆ