قازاقتار 8- عاسىردا-اق ادام باسىنا وپەراتسيا جاساعان - كەسكىن
قورىمدى قازۋ بارىسىندا ماماندار قارۋ-جاراعى جانە مۋزىكالىق اسپابىمەن جەرلەنگەن جاۋىنگەردى تاپقان.
ساربازدىڭ جانىندا ونىڭ جىلقىسى بىرگە كومىلىپتى، دەپ حابارلايدى 24.kz ارناسى.
عالىمداردىڭ ايتۋىنشا، ولجا جاقسى ساقتالعان. ويتكەنى، قورىم تەڭىز دەڭگەيىنەن 1750 مەتر بيىكتىكتەگى تاۋدا ورنالاسقان دەسەدى. تامىز ايىنىڭ سوڭىندا مۇندا قار جاتادى.
ال جەر بەتىنىڭ تەمپەراتۋراسى تومەن بولعان سايىن، ونداعى توپىراق قۇرامى جاقسى ساقتالادى ەكەن.
الكەي مارعۇلان اتىنداعى ارحەولوگيا ينستيتۋتىنىڭ كىشى عىلىمي قىزمەتكەرى داستان جۇمانبايەۆتىڭ ايتۋىنشا، 2012 - جىلدان باستاپ تۇراقتى قارجىلاندىرۋدىڭ ناتيجەسىندە اتالعان قورىمدا قازبا جۇمىستارى جۇرگىزىلىپ، ساماشيەۆ زەينوللانىڭ عىلىمي جەتەكشىلىگىمەن 3 جىل قاتارىنان قازاقستان تەرريتورياسىندا بۇعان دەيىن تەڭدەسىز بولىپ تابىلاتىن مۋزىكالىق اسپاپ تابىلعان.
سونداي-اق، ارحەولوگتار قازاقستاندى VIII عاسىردا مەكەندەگەن حالىقتىڭ ادام باسىنا وپەراتسيا جاساعانىن دالەلدەگەن. باس سۇيەگىندە وپەراتسيانىڭ ءىزى قالعان ەكى ادام دا وسى قورىمنان تابىلدى. مامانداردىڭ ايتۋىنشا، ولار وپەراتسيادان كەيىن تاعى بىرنەشە جىل ءومىر سۇرگەن.