تۇركيا قورى 89 ەلدە ايت مەرەكەسىن وتكىزەدى
اتالمىش قور الەمنىڭ 89 مەملەكەتىندە ايت مەرەكەسىن ۇيىمداستىرۋدى جوسپارعا العان. جاقسىلىق جاساپ، ساۋاپتى ىسكە ۇمتىلۋشى الەم ەلدەرىنىڭ ىزگى ادامدارى جىل بويىنا وسى قورعا قاراجات اۋدارىپ كەلدى. وسى وسى يگى ماقساتقا جيىلعان مول قارجى ەكونوميكالىق قيىندىققا ۇشىراعان ەلدەردەگى مۇسىلمان قاۋىمىنىڭ قۇربان ايتتى اتاپ وتۋىنە جۇمسالماق.
ايتا كەتسەك، وتكەن جىلى قۇربان مەرەكەسىندە جيىلعان قاراجاتقا 52 مىڭ قۇربان مالى ساتىپ الىنعان ەدى. جوبانى ۇيىمداستىرۋشىلار بيىل دا 50 مىڭنان كەم تۇسپەۋدى جوسپارلايدى.
قۇربان مالىنىڭ ورتاشا باعاسى 550 تۇرىك ءليرى (63 مىڭ تەڭگە) دەپ بەلگىلەنگەن.
ال ۇلىق مەرەكەگە وراي IHH ۇيىمى بىرنەشە مەشىت قۇرىلىسى، اۋىز سۋ، بالالار ءۇيى، ءبىلىم بەرۋ ورتالىقتارى، ت. ب. جوبالاردى قولعا الماق.
بۇدان بولەك، اتالمىش قور البانيا، پالەستينا، كاشمير، چەرنوگوريا، سومالي، شري- لانكا، سۋدان، سيريا مەن تۇركيانىڭ 35 مىڭعا جۋىق جەتىم بالالارىنا ايت مەرەكەسىندە جاڭا دا ادەمى كيىم- كەشەكتەر سىيعا تارتپاق.
ummet.kz