العاشقى رەيستى اقمولا وبلىسى اكىمىنىڭ ورىنباسارى قانات ىدىرىسوۆ، كوكشەتاۋ قالاسىنىڭ اكىمى امانگەلدى سمايىلوۆ، اۋەجاي اكىمشىلىگى مەن جۋرناليستەر قارسى الدى، دەپ حابارلايدى قازاقپارات ءتىلشىسى.
«جاڭا اۋە رەيسى وڭىرگە تۋريستەر اعىنىن ارتتىرۋعا مۇمكىندىك بەرەدى» ، - دەدى قانات ىدىرىسوۆ.
ايماق باسشىسى ورىنباسارىنىڭ مالىمەتىنشە، بۇگىننەن باستاپ، «FlyArystan» اۋە كومپانياسىنىڭ ۇشاقتارى كوكشەتاۋدان الماتىعا اپتاسىنا ءۇش رەت (سەيسەنبى، بەيسەنبى، سەنبى كۇندەرى) قاتىنايدى. جاز ايلارىندا رەيستەر سانىن ارتتىرۋ جوسپاردا بار. سونىمەن قاتار، «كوكشەتاۋ - قاراعاندى» باعىتىندا اۋە رەيستەرىن اشۋ (بيلەت باعاسى 4990) جوسپارلانىپ وتىر.
بيىلعى جىلى «كوكشەتاۋ- اقتوبە» رەيستەرىن ىسكە قوسۋ جوسپارلانعان. رەيستەر قازىرگى زاماڭعى «Airbus A320» ۇشاقتارى ارقىلى جۇزەگە اسىرىلاتىن بولادى. ەڭ ارزان بيلەت تاڭعى رەيستە 8990 تەڭگە تۇرادى.