ەلىمىزدىڭ حالىقارالىق رەزەرۆتەرى 89,7 ميلليارد دوللار بولدى

استانا. قازاقپارات – 1-جەلتوقسانداعى جاعداي بويىنشا قازاقستاننىڭ حالىقارالىق رەزەرۆتەرى 89,7 ميلليارد دوللارعا جەتتى.

بۇل تۋرالى ۇلتتىق بانكتىڭ باسقارما ءتوراعاسى عالىمجان ءپىرماتوۆ ۇكىمەتتىڭ كەڭەيتىلگەن وتىرىسىندا ءمالىم ەتتى، دەپ حابارلايدى قازاقپارات ءتىلشىسى.

«وسى جىلدىڭ 1-جەلتوقسانىندا جالپى حالىقارالىق رەزەرۆتەر 89,7 ميلليارد دوللار بولدى.

2022 -جىلى التىن باعاسىنىڭ تومەندەۋىنە، مەملەكەتتىك قارىزدىڭ تولەنۋىنە، سونداي- اق، ءبىرىنشى توقساندا ۆاليۋتالىق ينتەرۆەنتسيالاردىڭ جۇرگىزىلۋىنە بايلانىستى التىن- ۆاليۋتا رەزەرۆتەرى 467 ميلليون دوللارعا تومەندەدى»، - دەدى عالىمجان ءپىرماتوۆ.

سونداي- اق، ول مۇناي باعاسىنىڭ جوعارى بولۋى ۇلتتىق قوردىڭ اقشاسىن تولتىرعانىن اتاپ ءوتتى.

«مۇناي باعاسىنىڭ قالپىنا كەلىپ، 6 تريلليون تەڭگە كولەمىندە جوعارى ءتۇسىم كەلدى. ونىڭ ىشىندە شەتەل ۆاليۋتاسىنداعى تۇسىمدەر 9,8 ميلليارد دوللار بولىپ، ۇلتتىق قوردىڭ اكتيۆتەرى 55,8 ميلليارد دوللارعا دەيىن ۇلعايدى.

قارجى نارىعىنداعى قۇلدىراۋعا قاراماستان، ۇلتتىق قوردىڭ قۇرىلعاننان بەرگى كىرىستىلىگى جىلدىق ماندە %3,08 بولدى»، - دەدى ۇلتتىق بانك باسشىسى.