اقتاۋ. KAZINFORM - ماڭعىستاۋلىق 87 جاستاعى قولونەر شەبەرى شارحات تولەمىسوۆا ديماش قۇدايبەرگەنگە ارناپ جاساعان شاشاعىن تابىستاۋ ءۇشىن «اقتاۋ - تۇركى الەمىنىڭ مادەني استاناسى» مەرەكەلىك شاراسىنىڭ اشىلۋ سالتاناتىنا ارنايى كەلىپ، 2 كۇن بويى قاتىسقان.
90 جاسقا تاياعان كەيۋانا قازاقستاننىڭ جارىق جۇلدىزى ديماشقا ارناپ شاشاق جاساپ، ونى ءوز قولىمەن تابىستاعىسى كەلەتىنىن ايتقان ەدى.
- ديماش اقتاۋعا كەلەدى دەگەندى ەستىگەن سوڭ، «نەگە ءبىر تال شاشاق بايلاماسقا؟» دەپ ويلادىم. سوندىقتان كەزدەسىپ، دومبىراسىنا ءوز قولىممەن تاعۋدى ءجون سانادىم، - دەدى قارت انا.
ديماش قۇدايبەرگەن بۇگىن اق تىلەۋلى انامەن ارنايى كەزدەسىپ، وزىنە ارناعان شاشاقتى الدى.
بۇعان دەيىن اقتاۋدا «اقتاۋ - تۇركى الەمىنىڭ مادەني استاناسى» جىلىنىڭ اشىلۋ سالتاناتىندا كورەرمەندەر ديماش قۇدايبەرگەندى ەرەكشە ىقىلاسپەن قارسى العانى تۋرالى جازعان بولاتىنبىز.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.