كليمتتىڭ «جەلپۋىشتى حانىم» كارتيناسى 86 ميلليون ەۋروعا ساتىلىپ، رەكورد جاڭارتتى
13:09, 28 - ماۋسىم 2023
استانا. قازاقپارات - گۋستاۆ كليمتتىڭ «جەلپۋىشتى حانىم» دەپ اتالاتىن كارتيناسى اۋكسيوندا 86 ميلليون ەۋروعا ساتىلىپ، ەۋروپاداعى ەڭ قىمبات كارتينا رەتىندە رەكورد جاڭارتتى، دەپ حابارلايدى قازاقپارات.
ۇسىنىستار بىرىنەن سوڭ ءبىرى شيەلەنىستى سوڭىنا دەيىن ساقتاي وتىرىپ، باس اينالدىرار جىلدامدىقپەن ءجۇردى. سوڭعى 29 جىل ىشىندە ءبىر وتباسىنىڭ قولىندا بولعان سۋرەتتى كىم ساتىپ العانى ءالى بەلگىسىز.
«جەلپۋىشتى حانىم» - كليمتتىڭ ەڭ ۇزدىك ءارى سوڭعى پورترەتى. ول ونى 1917-1918 -جىلدارى، 55 جاسىندا قايتىس بولار الدىندا سالعان.
بۇعان دەيىن ەۋروپا اۋكسيونىنداعى ەڭ قىمبات ونەر تۋىندىسى 65 ميلليون فۋنت ستەرلينگكە (76 ميلليون ەۋرو) ساتىلعان البەرتو دجاكومەتتيدىڭ قولا ءمۇسىنى «جاياۋ ادامى» بولعان.