تالدىقورعاندىق 86 جاستاعى قاريانىڭ ءبيى جۇرتتى تاڭعالدىردى - فوتو
كونسەرتكە قاتىسۋشىلاردىڭ ەڭ ۇلكەنىنىڭ جاسى 86-دا، دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.
گالا- كونسەرتتە قاريالار وزدەرىنىڭ ونەرلەرىن ورتاعا سالدى.
وبلىستىڭ تۇكپىر- تۇكپىرىنەن كەلگەن ارداگەرلەر ۇلتتىق بي بيلەپ، ءان سالدى، سيقىر كورسەتتى. ولاردىڭ حورمەن سالعان اندەرى، وركەسترمەن ورىندالعان كومپوزيتسيالارى دا اسەرلى شىقتى.
جامبىل اۋدانىنىڭ تۇرعىنى 86 جاستاعى ءۇمىتجان بوتبايەۆا قازاقتىڭ ۇلتتىق ءبيىن بيلەپ، كورەرمەندەردى تامسانتتى. ءۇمىتجان اپا - جامبىل اۋداندىق ارداگەرلەر ءانسامبلىنىڭ ءبيشىسى.
وبلىس اكىمى اماندىق باتالوۆ تا ءۇمىتجان اپانىڭ بيىنە ءتانتى ەكەنىن جەتكىزدى.
«جاستارىڭىزدىڭ ۇلعايعانىنا قاراماستان بويلارىڭىزداعى كۇش- قۋات، ونەرگە دەگەن سۇيىسپەنشىلىكتەرىڭىز جاستارعا ۇلگى بولىپ قانا قويماي، ولاردى رۋحاني جاعىنان بايىتا ءتۇستى. مۇنداي كونسەرتتەردى وبلىستىڭ ءار اۋماعىندا وتكىزۋگە بولادى. ءبىز ءتىپتى سىزدەردىڭ رەسپۋبليكالىق جانە حالىقارالىق دەڭگەيدەگى شارالاردا كورسەتەتىن ونەرلەرىڭىزگە قولداۋ كورسەتۋگە دايىنبىز»- دەدى ارداگەرلەردى قۇتتىقتاعان ءوڭىر باسشىسى باتالوۆ.
گالا- كونسەرتتى قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى نۇرعالي ءنۇسىپجانوۆ تاماشالاپ، قاريالاردى شىن جۇرەكتەن قۇتتىقتادى.
اۆتور: سامال قابىشيەۆا