بۇل تۋرالى الەۋمەتتىك مەديتسينالىق ساقتاندىرۋ قورى وبلىستىق فيليالىنىڭ ديرەكتورى اسحات بەيسەنبايەۆ مالىمدەدى، دەپ حابارلايدى قازاقپارات ءتىلشىسى.
اسحات بەيسەنبايەۆتىڭ ايتۋىنشا، قوردىڭ فيليالى 81 مەديتسينا ۇيىمىمەن 130,6 ميلليارد تەڭگەنىڭ كەلىسىمشارتىن جاساعان. بۇل وتكەن جىلى بولىنگەن قارجىدان 6 پايىزعا ارتقان. قارجى - كەپىلدەندىرىلگەن تەگىن مەديتسينالىق كومەككە (ت م ك ك ك) جانە م ءا م س پاكەتتەرى شەڭبەرىندەگى قىزمەتتەرگە باعىتتالادى. بيىل مەملەكەتتىك تاپسىرىستى ورىنداۋعا كەلىسىلگەن 81 مەديتسينالىق ۇيىمنىڭ 40 ى جەكەمەنشىك كلينيكا.
«جالپى ءۇش جىلدان استام ۋاقىت ىشىندە تۇركىستان وبلىسىنان تۇسكەن سوما كولەمى 12,6 ميلليارد تەڭگە بولدى. ونىڭ ىشىندە، 9,2 ميلليارد تەڭگەسى جۇمىس بەرۋشىلەردىڭ اۋدارىمدارى بولسا، قالعان 3,5 ميلليارد تەڭگە - جەكە كاسىپكەرلەر مەن ازاماتتىق-قۇقىقتىق كەلىسىمشارت نەگىزىندە ەڭبەك ەتەتىن تۇرعىندارعا تيەسىلى. ال، ءوزىن ءوزى جۇمىسپەن قامتىعاندار 52015 تەڭگە ءبىرىڭعاي جيىنتىق تولەمىن تولەگەن»، - دەدى، اسحات اسان ۇلى.