التىن وردا بازارى جانىنداعى جول جوندەۋ جۇمىستارىنىڭ 85 پايىزى اياقتالدى
بۇگىنگى تاڭدا بارلىق جۇمىستىڭ 85 پايىزى ورىندالدى، دەپ حابارلايدى قازاقپارات ءتىلشىسى.
ۇلتتىق كومپانيانىڭ مالىمەتىنشە، قازىر اسفالت توسەۋگە دايىندىق جۇمىستارى جۇرگىزىلۋدە. 127 مىڭ شارشى مەتر اۋماقتا قالىڭدىعى 5 س م بولاتىن قيىرشىقتاس- ماستيكا اسفالتبەتون جابىنى توسەلەدى. قۇرىلىس جۇمىستارىنا 120 جول جۇمىسشىسى مەن 40 تەحنيكا جۇمىلدىرىلدى.
«جالپى، وسى ءتورت شاقىرىم ۋچاسكەدە مەردىگەرلەرگە جول ايرىقتارى مەن شىعۋ جولدارىن جابدىقتاپ، «نيۋ- دجەرسي» تەمىربەتون جانە توسقاۋىل قورشاۋلارىن ورناتۋ جۇمىستارىن اياقتاۋ قاجەت. سونداي- اق جولعا بەينەكامەرا ورناتىلادى. كەلىسىمشارت تالاپتارىنا سايكەس قۇرىلىس جۇمىستارىن اياقتاۋ مەرزىمى 2022 -جىلدىڭ قاراشا ايىنا بەلگىلەنگەن. بۇگىنگى كۇنى جولدى جوندەۋ جۇمىستارىنىڭ 85 پايىزى اياقتالدى»، - دەدى «قازاۆتوجول» ۇ ك» ا ق باسپا ءسوز حاتشىسى ءلاززات ستامعازيەۆا.
بۇعان دەيىن «التىن وردا» بازارى جانىنداعى جول جوندەۋ جۇمىستارى جىل سوڭىنا دەيىن اياقتالاتىنى تۋرالى جازعان بولاتىنبىز.
«اسىل ارمان» تۇرعىن ءۇي كەشەنى ماڭىندا توقتاپ قالعان ەستاكادا قۇرىلىسى قايتا باستالادى. جوبا بويىنشا شارتتىق مىندەتتەمەلەر ورىندالماۋىنا بايلانىستى مەردىگەرلىك ۇيىممەن شارت بۇزىلعان بولاتىن.
جاقىندا «اسىل ارمان» تۇرعىن ءۇي كەشەنىنەن شىعا بەرىستەگى ەكىنشى جول وتپەسىنىڭ قۇرىلىسى جالعاسادى. بۇگىنگى كۇنى جۇمىس 45 پايىزعا ورىندالدى.
«قازىر قۇرىلىس جۇمىستارىن جالعاستىراتىن جاڭا مەردىگەر كومپانيا انىقتالدى. بۇعان دەيىن جوبا بويىنشا شارتتىق مىندەتتەمەلەردىڭ ورىندالماۋىنا بايلانىستى مەردىگەرلىك ۇيىممەن شارت بۇزىلعان بولاتىن»، - دەدى «قازاۆتوجول» ۇ ك» ا ق باسپا ءسوز حاتشىسى ءلاززات ستامعازيەۆا.
ەسكە سالايىق، اقپان ايىندا الماتى- بىشكەك باعىتى بويىندا ورنالاسقان «اسىل ارمان» تۇرعىن ءۇي كەشەنىنىڭ تۇرعىندارى قالاعا شىققاندا جانە كەرى قايتقاندا تەك اينالما جولدارمەن قاتىناۋعا ءماجبۇر ەكەنى ايتىلعان بولاتىن. وسى ماسەلەنى شەشۋ ءۇشىن «الماتى- بىشكەك» اۆتوجولىندا «قۇبىر» ۇلگىسىندەگى جولايرىق جانە رايىمبەك اۋىلىنا بۇرىلىستاعى قوسىمشا جاياۋ جۇرگىنشىلەر كوپىرىن سالۋ ءۇشىن جەكە جوبا («التىن- وردا» جوباسىنا كىرمەيتىن) ازىرلەندى. جولايرىقتىڭ جالپى ۇزىندىعى - 264 مەتر. «قازاۆتوجول» ۇلتتىق كومپانياسىنىڭ وكىلى ءلاززات ستامعازيەۆانىڭ سوزىنشە، قۇرىلىس جۇمىستارى 2023 -جىلى اياقتالادى.