استانادا 85 دزيۋدو سەكسياسى اشىلادى
08:23, 13 - قاراشا 2018
استانا. قازاقپارات - بۇگىنگى تاڭدا قالادا 100 دەن استام دزيۋدو سەكسياسى جۇمىس ىستەيدى. 2019-جىلى تاعى دا 85 سەكسيا اشىلعالى تۇر، دەپ حابارلايدى استانا اكىمدىگىنىڭ رەسمي سايتى.
استاناداعى دزيۋدو فەدەراتسياسىنىڭ پرەزيدەنتى دانيار ەسيننىڭ ايتۋىنشا، سپورتتىڭ وسى ءتۇرىنىڭ دامۋىنا استانادا 2018-جىلدىڭ 13-16- قاراشاسىندا وتەتىن دزيۋدودان قازاقستان چەمپيوناتى ءوز سەپتىگىن تيگىزبەك.
«بۇل ءبىز ءۇشىن ەرەكشە وقيعا، سەبەبى ەرلەر مەن ايەلدەر اراسىنداعى دزيۋدو بويىنشا ەلدەگى چەمپيونات ءبىزدىڭ قالامىزدا ءبىرىنشى رەت وتكەلى تۇر. استانا سپورتتىڭ بۇل ءتۇرىن بىرىگىپ دامىتۋعا بارىنشا دايىن. اسىرەسە، جاستاردى تارتۋ ماڭىزدى. بۇگىنگى تاڭدا قالادا 100 دەن استام دزيۋدو سەكسياسى جۇمىس ىستەيدى. 2019-جىلى تاعى دا 85 سەكسيا اشۋدى جوسپارلاپ وتىرمىز. بۇل جارىس ءبىزدىڭ كومانداعا ۇلكەن سەرپىن بەرمەك. سونداي-اق، جارىس قورىتىندىسى بويىنشا باسەكەلى، ءتيىمدى ۇلتتىق قۇراما قالىپتاساتىن بولادى»، - دەدى ول.