قاراعاندىدا بەلدى كومپوزيتور راحماديەۆتىڭ 85 جىلدىعىنا ارنالعان كەش وتەدى
كەشتە «استانا وپەرا» تەاترىنىڭ ءسوليسى ايزادا كاپونوۆا، سكريپكاشى انەل شاكىروۆا ونەر كورسەتەدى. سونداي-اق كونسەرتكە پەتر گريبانوۆتىڭ جەتەكشىلىگىمەن قاراعاندى سيمفونيالىق وركەسترى قاتىسادى.
ەركەعالي راحماديەۆ (1932-2013) - ك س ر و حالىق ءارتىسى، قازاق ك س ر مەملەكەتتىك سىيلىعىنىڭ لاۋرەاتى، پروفەسسور. «قامار سۇلۋ»، «الپامىس» وپەرالارى، «ابىلاي حان» سياقتى التى وپەرانىڭ، كوپتەگەن وركەسترلىك، ۆوكالدىق-حور، تەاترلىق-ساحنالىق، كامەرالىق-اسپاپتىق شىعارمالار، اندەر مەن رومانستاردىڭ اۆتورى.
1968-جىلدان قازاقستان كومپوزيتورلار وداعىنىڭ ءتوراعاسى بولدى. ءومىرىنىڭ سوڭعى جىلدارىندا استانادا تۇرىپ، ەڭبەك ەتتى. ك. بايسەيىتوۆا اتىنداعى ۇلتتىق وپەرا تەاترىندا كەڭەسشى بولدى، استانادا وپەرا ونەرىنىڭ دامۋىنا ۇلكەن ۇلەس قوستى، قازاق ۇلتتىق مۋزىكا اكادەمياسىنىڭ ستۋدەنتتەرى مەن اسپيرانتتارىنا ايمان مۇساقوجايەۆانىڭ جەتەكشىلىگىمەن مۋزىكالىق شىعارما جازۋدىڭ تەورياسى بويىنشا ءدارىس بەردى.
كونسەرت 30- قاراشا كۇنى (ساعات 18.30 دا) «شالقىما» كونسەرت زالىندا وتەدى.