ورالدا ەلدەن جينالعان 85 قارۋ بالقىتىلدى
باتىس قازاقستان وبلىسى ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، اتالعان شارا توقسان سايىن وتكىزىلىپ كەلەدى. ب ق و ىشكى ىستەر دەپارتامەنتى باستىعىنىڭ ورىنباسارى، پوليتسيا پولكوۆنيگى تالعات راحمەتوۆ جەتەكشىلىك ەتەتىن كوميسسيا قارۋدى تەكسەرگەننەن كەيىن پەشكە جونەلتتى.
سونىڭ ىشىندە 62 تەگىس ۇڭعىلى اڭشى مىلتىعى، 8 گازدى تاپانشا، 3 تراۆماتيكالىق قارۋ، 4 پنەۆماتيكالىق تاپانشا، 2 شولاق مىلتىق، 6 دانا زاتتاي ايعاق جويىلدى. مۇنىڭ ءبارى - تۇرعىندار ءوز ەركىمەن تاپسىرعان جانە تاركىلەنگەن قارۋلار. بالقىتىلعان قارۋدان 150 ك گ مەتالل الىندى. ەسكە سالا كەتەيىك، بيىل ءوڭىر تۇرعىندارىندا زاڭسىز ساقتالعان قارۋ مەن وق-ءدارى جانە جارىلعىش زاتتاردى ساتىپ الۋعا رەسپۋبليكالىق بيۋدجەتتەن 8 ميلليون 034 مىڭ تەڭگە ءبولىنىپ وتىر. وتكەن جىلى تۇرعىندار 224 اتىس قارۋىن تاپسىرىپ، بۇل ماقساتقا 10 ميلليون استام تەڭگە جۇمسالعان بولاتىن.
اۆتور: ەلجان ەرالى