وعان ساياساتكەرلەر، سىنىپتاستارى، قايتا قۇرۋ كەزەڭىندەگى جاقتاستارى، جالپى العاندا 150 گە جۋىق ادام قاتىسادى، دەپ حابارلادى ر ي ا نوۆوستي.
بۇدان بۇرىن «گورباچەۆ- قورىنىڭ» باسپا سوزبەن بايلانىس ءبولىمىنىڭ باسشىسى پاۆەل پالاجچەنكو مالىمدەگەندەي، مەرەيتويىن ساياساتكەر دوستارىنىڭ ورتاسىندا اتاپ وتەدى.
«شامامەن 140-150 ادام شاقىرىلعان. بۇل شارا «گورباچيەۆ- قوردا» ەمەس، باسقا ىڭعايلى ورىندا وتەدى. وعان ساياساتكەرلەر، سىنىپتاستارى، جۋرناليستەر، قور قىزمەتكەرلەرى، قايتا قۇرۋ جىلدارىنداعى جاقتاستارى قاتىسادى»، - دەدى پالاجچەنكو. ول قوناققا ارالاس- قۇرالاس، ەڭ جاقىن ادامداردى شاقىرعاندىعىن اتاپ ءوتتى.
گورباچەۆ ك س ر و- نىڭ تۇڭعىش جانە سوڭعى پرەزيدەنتى. ونىڭ باسشىلىق كەزەڭى گەوساياسي ماعىنادا ماڭىزدى وقيعالار: «سۋىق سوعىستىڭ» اياقتالۋىمەن، اۋعانستاننان كەڭەس اسكەرلەرىن شىعارۋمەن، كەڭەس وداعىنىڭ ىدىراۋىمەن ەستە قالدى.
1990 -جىلى گورباچەۆ نوبەل سىيلىعىنىڭ لاۋرەاتى اتاندى.