شىعىس قازاقستاندا ءبىر ايدا 851 قىلمىس اشىلدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءوڭىر اۋماعىندا 15- قاڭتاردان باستاپ «قۇقىقتىق ءتارتىپ» جەدەل الدىن الۋ شاراسى جۇرگىزىلۋدە.
سول ۋاقىتتان بەرى ءتارتىپ ساقشىلارى 851 قىلمىستى اشتى. جەدەل ۋاكىلدەر ىزدەۋدە جۇرگەن 12 ادامدى تاپقان. بارلىعى 11000 استام اكىمشىلىك قۇقىق بۇزۋشىلىق انىقتالدى.
«ونىڭ ىشىندە ماس كۇيدە كولىك ايداعاندار دا تىركەلدى. ماسەلەن، پوليتسيا قىزمەتكەرلەرى 34 جاستاعى كوكپەكتى اۋدانىنىڭ تۇرعىنى تىزگىندەپ كەلە جاتقان اۆتوكولىكتى توقتاتقان. ەر ادام بۇرىن كولىك جۇرگىزۋ قۇقىعىنان ايىرىلسا دا رۋلگە وتىرعان. جۇرگىزۋشىگە قاتىستى ق ر ا ق ب ت ك- ءنىڭ 612-بابى 4-بولىگىنە سايكەس حاتتاما تولتىرىلدى»، - دەدى وبلىستىق پ د جەرگىلىكتى پوليتسيا قىزمەتى باسقارماسىنىڭ باستىعى تالعات نۇريەۆ.
سوت شەشىمىمەن ازاماتقا 214410 تەڭگە ايىپپۇل سالىنعان.