ەسەپتى بيولوگيا، ەكولوگيا جانە ۆيرۋسولوگيا سالالارىنداعى 22 ساراپشى دايىنداپ، بيوسفەرا، ەكوجۇيەگە قىزمەت كورسەتۋ جونىندەگى ۇكىمەتارالىق زەرتتەۋلەر مەن ساياسات پلاتفورماسىندا (IPBES) مالىمدەدى.
ساراپشىلاردىڭ پىكىرىنشە، جارعاناتتار، كەمىرگىشتەر مەن مايمىلدار ادامعا جۇعۋى مۇمكىن 540 مىڭنان 850 مىڭعا جۋىق ۆيرۋس تاسىمالدايدى. مۇنداي جاعدايدا جىل سايىن پاندەميا تۋدىرۋى مۇمكىن 5 جاڭا اۋرۋدىڭ پايدا بولۋ قاۋپى بار.
عالىمدار بۇل اۋرۋلاردىڭ پايدا بولۋىنا جابايى تابيعاتتى كىنالاۋ دۇرىس ەمەس دەپ سانايدى. ولاردىڭ پىكىرىنشە، پاندەميالار، ونىڭ ىشىندە كوروناۆيرۋس پاندەمياسى ادام ءىس-ارەكەتى جانە ونىڭ قورشاعان ورتاعا اسەرى ناتيجەسىندە تۋعان.
ايتا كەتەيىك، وسىعان دەيىن عالىمدار جارقاناتتىڭ نە ءۇشىن قاۋىپتى ۆيرۋستار تاسيتىنىن انىقتاعان ەدى. زەرتتەۋلەر كورسەتكەندەي، ينفەكتسيا جارقاناتتار اعزاسىندا تەز جانە كۇشتى يممۋندىق رەاكسيانى قوزدىرادى. بۇل رەاكسيا ءبىر جاعىنان وسى تىرشىلىك يەلەرىن قورعايدى، ال ەكىنشى جاعىنان اگرەسسيۆ يممۋندىق رەاكسيا ۆيرۋستاردىڭ بەلسەندى كوبەيۋىنە جانە قورشاعان ورتاعا بەيىمدەلۋىنە سەبەپ بولادى.
وسىلاي جارقاناتتار اعزاسى ۆيرۋستار ءۇشىن كوبەيەتىن ورىن بولادى دا، ولار يممۋن جۇيەسى ءالسىز باسقا جانۋارلار مەن ادامعا وتسە قاۋىپتى اۋرۋعا اينالادى.
«مىقتى يممۋن جۇيەسى جارقاناتتار اعزاسىن ۆيرۋستاردان ساقتايدى. ال وعان جۇققان ۆيرۋس جارقانات اعزاسىنا زيان تيگىزبەي كوبەيە بەرەدى. ءبىراق كۇشتى يممۋنيتكە يە بولماعان تىرشىلىك يەلەرىنە (ادامدارعا) وتكەندە ۆيرۋس اسقىنىپ كەتەدى»، - دەيدى زەرتتەۋشىلەردىڭ ءبىرى كارا برۋك.
مۇنداي قاۋىپتى ۆيرۋستار كوبىنە ادام اعزاسىنا تاماق ارقىلى ەنەدى.
massaget.kz