وزبەكستان رەسپۋبليكاسى س ءى م مالىمەتىنشە، 14- تامىزدا اۋعانستانمەن شەكتەسەتىن مەملەكەتتىك شەكارا ۋچاسكەلەرىنىڭ بىرىندە اۋعانستان قارۋلى كۇشتەرىنىڭ 84 اسكەري قىزمەتشىسى مەملەكەتتىك شەكارانى كەسىپ ءوتىپ، ۇستالدى. شەكارا بۇزۋشىلار قارسىلىق تانىتپاعان، جاراقات العان ءۇش ادامعا مەديتسينالىق كومەك كورسەتۋدى سۇراعان.
«اۋعان ازاماتتارى سانيتارلىق- ەپيدەميولوگيالىق تەكسەرۋدەن وتكىزىلىپ، كەيبىرىنە مەديتسينالىق كومەك كورسەتىلدى. سونداي- اق، ولار تاماقپەن قامتاماسىز ەتىلدى، ۋاقىتشا جاتاتىن ورىن بەرىلدى»، - دەپ حابارلادى ۆەدومستۆودان.
«تەرمەز- حايروتون» كوپىرىنىڭ اۋعانستانداعى بولىگىندە اۋعانستان ۇكىمەتىنىڭ اسكەري قىزمەتشىلەرى جينالعان. ولارعا گۋمانيتارلىق كومەك كورسەتۋ شارالارى ءجۇرىپ جاتىر.
«وزبەكستان س ءى م اۋعان ازاماتتارىن وتانىنا قايتارۋ جانە «تەرمەز- حايراتون» كوپىرى اۋدانىنداعى جاعدايدى باقىلاۋ بويىنشا اۋعان تاراپىمەن كەلىسسوزدەر جۇرگىزىپ جاتىر. مەملەكەتتىك شەكارا كۇشەيتىلگەن رەجيمدە قورعالىپ جاتقانىن اتاپ وتكەن ءجون. تەرمەزدە قۇرامىنا قارۋلى كۇشتەر باسشىلارى مەن مەملەكەتتىك ورگان وكىلدەرى كىرگەن جەدەل شتاب قۇرىلدى»، - دەپ اتاپ ءوتتى وزبەكستان س ءى م.
ەسكە سالساق، «تاليبان» قوزعالىسىنىڭ سودىرلارى اۋعانستاننىڭ ماڭىزدى ءارى ءىرى قالالارىن باسىپ الدى. حالىقارالىق ۇيىمدار دابىل قاعىپ اۋعانستاندا سوڭعى 72 ساعاتتا ونداعان بالا قازا تاپقانىن جاريالادى. سونداي- اق، ق ر ديپلوماتيالىق ميسسياسى كابۋلدا شەكتەۋلى قۇرامدا جۇمىسىن جالعاستىرۋدا.