قازاق- وزبەك كاسىپكەرلەرى قۇنى 840 ميلليون تەڭگەلىك 92 كەلىسىمشارتقا قول قويدى
بيزنەس فورۋم اياسىندا ەكى ەلدىڭ كاسىپكەرلەرى قۇنى 840 ميلليون دوللار بولاتىن كەلىسىمشارتتارعا قول قويدى.
بۇل تۋرالى تىلشىلەرگە «اتامەكەن» ۇلتتىق كاسىپكەرلەر پالاتاسى ءتوراعاسىنىڭ ورىنباسارى نۇرجان التايەۆ ءمالىم ەتتى، دەپ حابارلايدى قازاقپارات.
ونىڭ ايتۋىنشا، بۇگىنگى فورۋم قازاقستان مەن وزبەكستان اراسىنداعى ەكونوميكالىق قارىم- قاتىناستىڭ جاڭا باستاۋى.
«وزبەكستان پرەزيدەنتى شاۆحات ميرزيەيەۆتىڭ ساپارى اياسىندا ءبىرقاتار وزبەك كاسىپورىندارى قازاقستانعا كەلدى. بيزنەس فورۋمعا ەكى جاقتان 500-دەن اسا كاسىپورىن قاتىسىپ وتىر. ءبىرقاتار كەلىسىمشارتتارعا قول قويىلدى. وسى ساپاردىڭ اياسىندا قۇنى 840 ميلليون دوللار بولاتىن 92 كەلىسىمشارتقا قول قويىلدى. بيزنەس فورۋمنىڭ سوڭىندا قۇنى 94 ميلليون دوللارلىق تاعى 10 قۇجاتقا قول قويىلادى. بيزنەسمەندەر ءۇشىن ماڭىزدى قۇجاتتار بار» - دەپ حابارلادى نۇرجان التايەۆ.
اۆتور: كەنجەكەي توقتامۇرات قىزى