تانىمال اكتەر 83 جاسىندا اكە اتاندى
«كرەستنىي وتەتس» فيلمىنىڭ جۇلدىزى 15- ماۋسىم كۇنى جاعىمدى جاڭالىقپەن ءبولىستى. اكتەر ەشقاشان ۇيلەنبەگەن، ءبىراق ونىڭ ءتورت بالاسى بار. اكتەردىڭ 33 جاستاعى دجۋلي ەسىمدى قىزى، 22 جاستاعى انتون مەن وليۆيا ەسىمدى بالالارى بار. ال جاڭا تۋعان ءسابيدىڭ اتىن رومان دەپ قويعان.
ال پاچينو وكىلى 30- مامىر كۇنى اكتەردىڭ 29 جاستاعى نۋر الفاللاحپەن قارىم-قاتىناسىن راستاپ، بالا كۇتىپ جۇرگەندەرىن ايتتى. بىرنەشە كۇن وتكەن سوڭ اكتەردىڭ ءوزى Daily Mail باسىلىمىنا بىلاي دەدى:
«مەنىڭ بالالارىم كوپ. ءبىراق قازىر بۇل شىنىمەن دە ەرەكشە ءسات»، - دەدى ول.
ال پاچينو مەن نۋر الفاللاح اراسىنداعى قارىم-قاتىناس جايلى ءبىرىنشى قاۋەسەتتەر 2022-جىلى ءساۋىر ايىندا پايدا بولعان بولاتىن. ولار بۇل كەزدە كاليفورنياداعى مەيرامحانادا كوزگە ءتۇستى. وعان دەيىن الفاللاح 22 جاسىندا 74 جاستاعى روك-مۋزىكانت ميك دجاگگەرمەن كەزدەسكەن بولاتىن.
ال پاچينو ءۇشىن بۇل جۇكتىلىك كۇتپەگەن جاعداي بولدى. ول، ءتىپتى، كۇماندانىپ، سەرىگىن قۇرساقىشىلىك د ن ق- تەست جاساتۋعا كوندىرگەن.