بۇل دەرەك كولىكتىك باقىلاۋ ورگاندارىنىڭ بيىلعى 1- توقسانداعى جۇمىسىنىڭ قورىتىندىسىندا ءمالىم بولدى، دەپ حابارلايدى قازاقپارات ق ر ي ي د م باسپا ءسوز قىزمەتىنە سىلتەمە جاساپ.
«2020-جىلدىڭ 1- توقسانىنىڭ قورىتىندىسى بويىنشا كولىكتىك باقىلاۋ ورگاندارى 28032 جۇك اۆتوكولىگىن تەكسەرىپ، زاڭ تالاپتارىن بۇزعان 4231 اۆتوكولىكتى انىقتادى. ونىڭ ىشىندە 219 شەتەلدىك كولىك قۇرالى جول جۇرۋگە بەرىلەتىن رۇقسات جۇيەسىن بۇزعان. 827 جۇك كولىگىنىڭ شامادان تىس جۇكپەن ءجۇرىپ وتۋىنە توسقاۋىل قويىلدى. جالپى العاندا 198 ميلليون تەڭگەگە ايىپپۇل سالىنىپ، ءوندىرىلدى»، دەلىنگەن حابارلامادا.
سونىمەن قاتار، اتالعان كەزەڭدە 46 شارۋاشىلىق سۋبەكتىسى تەكسەرىلىپ، 34 زاڭ بۇزۋشىلىق انىقتالدى جانە 30 زاڭ بۇزۋشىلىقتى جويۋ تۋرالى ۇيعارىم بەرىلدى. كولىك جۇرگىزۋشىلەرىنىڭ ەڭبەك جانە دەمالىس رەجيمىن بۇزعانى ءۇشىن 2382 اكىمشىلىك ماتەريال رەسىمدەلىپ، 29 ميلليون 245 مىڭ تەڭگە سوماسىندا ايىپپۇل ءوندىرىلدى. بۇل شارالار جالپى تاسىمالداۋ (جولاۋشىلاردى، جۇكتەردى جانە قاۋىپتى جۇكتەردى تاسىمالداۋ) قاۋىپسىزدىگىنە وڭ اسەر ەتىپ وتىر.