بۇل تۋرالى گەنەرال مەملەكەتتىك تەلەارنا ەفيرىنەن ايتقان دەپ جازادى جازادى BBC اگەنتتىگى.
حالىققا ۇندەۋ جاساعان گەنەرال- لەيتەنانت سالاح پرەزيدەنتتىڭ بەسىنشى مەرزىم ەل بيلەۋى ءۇشىن سايلاۋعا تۇسەتىنىن ايتقان سوڭ باستالعان ەرەۋىلدەردى - «ساياسي داعدارىستى» الجير كونستيتۋتتسياسىنداعى ارناۋلى باپپەن شەشۋگە شاقىردى. الگى باپ بويىنشا، پرەزيدەنت ءوز مىندەتىن ورىنداي الماسا، كونستيتۋتتسيالىق كەڭەس ونى «قىزمەتكە جارامسىز» دەپ تاني الادى. وسىلايشا، پرەزيدەنتتىڭ ورنى بوسايدى دا، ەلدە مەرزىمىنەن بۇرىن سايلاۋ وتەدى.
باس شتاب باسشىسى كونستيتۋتتسياعا نەگىزدەلگەندىكتەن بۇل ۇسىنىستى «ىمىرالى» سانايدى.
بيىل 10 - اقپاندا الجير پرەزيدەنتى ابدەلازيز بۋتەفليكا ساۋىردە وتەتىن سايلاۋعا قاتىساتىنىن جاريالاعان. وسىدان كەيىن ەلدە مىڭداعان ادام جاپپاي نارازىلىققا شىعىپ، بۋتەفليكانىڭ بيلىكتەن كەتۋىن تالاپ ەتكەن. ءبىر ايدان سوڭ، 12 - ناۋرىزدا، بۋتەفليكا سايلاۋعا تۇسپەيتىنىن مالىمدەدى.
بۋتەفليكا بۇعان دەيىن ءتورت رەت سايلاۋعا ءتۇسىپ، جەڭىسكە جەتكەن. 2013 -جىلى ينسۋلت الىپ، سودان بەرى جۇرت الدىنا شىقپادى.
1991 -جىلى الجيردە ءدىني توپتار مەن بيلىك اراسىندا ازاماتتىق سوعىس باستالدى. بۋتەفليكا بيلىككە ەلدەگى ازاماتتىق سوعىس كەزىندە، 1999 -جىلى، كەلدى. ول الجيردەگى ازاماتتىق سوعىستى توقتاتىپ، ەلدە بەيبىتشىلىك ورناتتى. قازىر نارازىلىققا شىققانداردىڭ اراسىندا «پرەزيدەنتكە قارسى ەمەسپىز، ول الجير ءۇشىن كوپ ءىس تىندىردى. ءبىراق قازىر پرەزيدەنت بولۋعا دەنساۋلىعى كەلمەيدى» دەيتىندەر دە بار.
www.azattyq.org