بۇل تۋرالى ق ر د س م تاۋارلار مەن قىزمەتتەردىڭ قاۋىپسىزدىگى مەن ساپاسىن باقىلاۋ كوميتەتىنىڭ ءتوراعاسى تيمۋر سۇلتانعازيەۆ ايتتى. «مەديتسينالىق قىزمەتكەرلەردىڭ 30 پايىزى نەمەسە 820 ادام COVID-19 ينفەكتسياسىن جۇقتىرعان. اسىرەسە، ورتاشا جانە كىشى مەديتسينالىق قىزمەتكەرلەر كوبىرەك اۋىرعان» - دەپ اتاپ ءوتتى ت. سۇلتانعازيي!ەۆ facebook جەلىسىندە وتكەن ونلاين بريفينگتە.
سونىمەن بىرگە، سپيكەر ينفەكتسيالىق ستاتسيونارعا قاراعاندا ادەتتەگى ەمحانا مەن اۋرۋحانا قىزمەتكەرلەرىنىڭ ءجيى اۋىراتىنىن ايتتى.
«جۇقپالى اۋرۋلار اۋرۋحاناسىندا ماماندار جەكە قورعانىس قۇرالدارىمەن جۇرەدى جانە ينفراقۇرىلىمنىڭ ءوزى «تازا» جانە «لاس» اۋماقتارعا ءبولۋ مۇمكىندىك بەرەدى. ال ەمحانالار مەن كوپبەيىندى اۋرۋحانالاردا مۇنداي ءبولۋ قيىنعا سوعادى. ونىڭ ۇستىنە كەلۋشىلەر سانى كوپ، ولاردان ۆيرۋس جۇقتىرۋ ىقتيمالدىعى دا ارتادى. تاۋلىك بويى عيماراتتاعى مەديتسينالىق ماماندار ىقتيمال ناۋقاستارمەن ءبىر اۋانى جۇتۋعا ءماجبۇر» ، - دەدى ت. سۇلتانعازيەۆ.