قالا كاسىپورىندارىنىڭ بىرىندە 27 جاستاعى ەر ادام وتباسى جاعدايىنا بايلانىستى ءۇش كۇن دەمالىسقا شىعۋى كەرەك بولعان.
جىگىت كوپ ويلانباستان وسى ارالىقتا «اۋىرىپ قالۋدى» شەشكەن.
بارلىعى رەسمي بولۋى ءۇشىن ول بەلگىسىز ادامداردان 4000 تەڭگەگە ەڭبەككە جارامسىزدىق پاراعىن ساتىپ الىپ، كادر بولىمىنە اپارىپ بەرگەن.
كاسىپورىن ماماندارى قىزمەتكەردىڭ اۋىرعانى تۋرالى پاراقتىڭ جالعان ەكەنىن انىقتاپ، بۇل جايىندا پوليتسياعا حابارلاعان.
«اتالعان فاكتى بويىنشا قىزمەتكەرگە قاتىستى ق ر ق ك 385-بابى 3-بولىگى بويىنشا قىلمىستىق ءىس تىركەلدى، سوت 80 ساعاتقا قوعامدىق جۇمىسقا تارتۋ تۇرىندە جازا تاعايىندادى»، - دەپ حابارلادى قاراعاندى وبلىسى جانە ۇلىتاۋ وبلىسى بويىنشا ق ا ج د باسپا ءسوز قىزمەتى.
جاۋاپكەرشىلىككە تارتىلعان ەر ادام قازىر جازاسىن وتەپ جاتىر. سوتتالۋشى اشىق-قىزعىلت كەۋدەشە كيىپ، قالا كوشەلەرىن سىپىرا باستادى.
اۆتور اگاتا مۋحامەدجانوۆا