الماتىدا اقشا ايىرباستاۋ پۋنكتىنە 80 مىڭ دوللار وتكىزگەن قىز اقشاسىنان ايرىلىپ قالدى
الماتى قالالىق پوليتسيا دەپارتامەنتىنىڭ مالىمەتىنشە، الاياق الماتىعا سەمەيدەن كەلگەن. ول اقشا ايىرباستاۋ ورنىن جالعا الىپ، ۆاليۋتا ايىرباستاۋ تۋرالى حابارلاندىرۋ جاريالاعان.
«ونىڭ قۇرىعىنا ءبىرىنشى بولىپ الماتى تۇرعىنى تۇسكەن. جەكسەنبىدە كەزدەسەتىنى تۋرالى كەلىسكەن. كەيىن بويجەتكەن بەلگىلەنگەن ورىنعا كەلىپ، ونىڭ قولىنا 80 مىڭ دوللاردى ۇستاتقان. ەر ادام ايىرباستايمىن دەگەن سىلتاۋمەن باسقا بولمەگە كەتىپ، قوسالقى ەسىكتەن قاشىپ كەتكەن»، - دەيدى الماتى پوليتسيا دەپارتامەنتى باستىعىنىڭ تەرگەۋ جۇمىسى جونىندەگى ورىنباسارى رۋستام ءابدىراحمانوۆ.
پوليسيا وكىلىنىڭ سوزىنشە، 1985 -جىلى تۋعان كۇدىكتى وسكەمەن اۋەجايىندا ۇستالىپ، قاماۋعا الىندى.
«سوتالدى تەرگەپ- تەكسەرۋدى جۇرگىزۋ مەدەۋ اۋداندىق پوليسيا باسقارماسىنىڭ تەرگەۋشىلەرىنە تاپسىرىلدى»، - دەدى رۋستام ءابدىراحمانوۆ.