بيىلعى وقۋ جىلى باستالعالى سەمەيدە 80 وقۋشىدان كوروناۆيرۋس تابىلعان. بۇگىندە 14 بالا ساۋىعىپ، 65 بالا امبۋلاتوريادا ەم قابىلداۋدا. ونىڭ ىشىندە 54 بالا قاشىقتان وقىپ جاتىر. سونىمەن قاتار كانيكۋل كەزىندە 20 وقۋشى ۆيرۋس جۇقتىرعان. كەزەكشى سىنىپتاردا دا قاۋىپتى دەرتكە شالدىققاندار بار. 26 بالانىڭ بەسەۋى جازىلسا، 21 ءى ەمدەلىپ جاتىر. ش ق و باس مەملەكەتتىك سانيتارلىق دارىگەردىڭ قاۋلىسىمەن ءۇش مەكتەپ قاشىقتان وقىتۋ فورماتىنا كوشتى، اتاپ ايتقاندا، شاكارىم اتىنداعى گيمنازيا، وزەرسكايا ورتا مەكتەبى جانە №10 ورتا مەكتەپ.
«شتاتتىق رەجيمدە جۇمىس ىستەپ تۇرعان بارلىق مەكتەپتەردە سانيتارلىق- ەپيدەميالوگيالىق تالاپتار قاتاپ ساقتالعان. ءار ساباقتان كەيىن كابينەتتەردە دەزينفەكتسيالاۋ جۇرگىزىلەدى» ، - دەدى قالالىق ءبىلىم ءبولىمىنىڭ باسشىسى ناتاليا فەسەنكو.
ەسكە سالا كەتسەك، قازاقستاننىڭ 9 وڭىرىندە كەزەكشى سىنىپتا وقيتىن وقۋشىلار كوروناۆيرۋس جۇقتىرعان.