ەلوردانىڭ باس مەملەكەتتىك سانيتارلىق دارىگەرىنىڭ بۇيرىعىنا سايكەس، ۇيدەن شىققاندا مەديتسينالىق ماسكا تاعۋ مىندەتتى نورما. بۇل اۋرۋدىڭ الدىن الۋ ءۇشىن جاسالادى. قۇقىق بۇزۋشىلارعا 30 ا ە ك نەمەسە 79530 تەڭگە ايىپپۇل سالىنادى.
«ءبىرىنشى كەزەكتە پوليتسيا الدىن الۋ جۇمىستارىنا كوڭىل بولەدى. ادام كوپ جەرلەردە، ساياباقتاردا، سكۆەرلەردە، قوعامدىق كولىكتەردە ءتۇسىندىرۋ جۇمىستارىن جۇرگىزىپ، ازاماتتارعا ماسكا تاعۋدى ۇسىنامىز. ەگەر ادام كوپ ورىنداردا ماسكا تاقپاسا اكىمشىلىك جاۋاپكەرشىلىككە تارتىلادى. ءبىرىنشى كەزەكتە ءبىز ءتارتىپ بۇزۋشىلارعا قاتىستى الدىن الۋ شارالارىن قولدانامىز»، - دەيدى قالالىق پوليتسيا دەپارتامەنتىنىڭ رەسمي وكىلى دانيار ورالوۆ.
سوندىقتان، حالىقتىڭ دەنساۋلىعىن ساقتاۋ، كوروناۆيرۋس ينفەكسياسىنىڭ الدىن الۋ جانە بولدىرماۋ ءۇشىن ازاماتتار مەديتسينالىق ماسكا تاعۋى كەرەك، دەيدى ول. ءوز كەزەگىندە، ەلوردا تۇرعىندارى اراسىندا جۇرگىزىلگەن بليتس-ساۋالناما كورسەتكەندەي، رەسپوندەنتتەردىڭ كوپشىلىگى ماسكا قورعانىس رەتىندە قاجەت ەكەنىنە جانە ونى جابىق عيمارات ىشىندە كيۋ كەرەك ەكەندىگىنە سەنىمدى.
«مەنىڭشە، سىرتتا ماسكا تاعۋ قاجەت ەمەس، ويتكەنى تازا اۋا ودان دا ماڭىزدى. ءيا، جابىق عيمارات ىشىندە الەۋمەتتىك قاشىقتىق ساقتاۋ، ماسكا تاعۋ كەرەك، ءبىراق كوشەدە مىندەتتى ەمەس»، - دەيدى قالا تۇرعىنى.
«مەن جاعالاۋدا، ادام كوپ ەمەس جەردە تازا اۋامەن دەم الۋ ءۇشىن ماسكانى شەشەمىن. مەندە ۆيرۋس بولۋى مۇمكىن عوي، سوندىقتان ادامدار اراسىندا ماسكا تاعىپ جۇرەمىن»، - دەيدى تاعى ءبىر ەلوردا تۇرعىنى.
ەستەرىڭىزگە سالا كەتەيىك، جابىق، قوعامدىق ورىنداردا، حالىققا قىزمەت كورسەتۋ ورتالىقتارىندا، دۇكەندەر مەن ءدارىحانالاردا، مەديتسينالىق مەكەمەلەردە ماسكا تاعۋ مىندەتتى.
«ماسكا تاعۋ COVID-19 ينفەكسياسىنىڭ الدىن الۋ ءۇشىن وتە ماڭىزدى. ماسكا تاعۋدىڭ دۇرىس ءتارتىبىن ساقتاۋ كەرەك جانە ءار ەكى ساعات سايىن اۋىستىرۋ قاجەت»، - دەپ تۇسىندىرەدى تەراپيەۆت ازيزا الدانبايەۆا.
ەسكە سالايىق، قازاقستاندا كارانتين رەجيمى 17-تامىزعا دەيىن ۇزارتىلدى.