قازاقستاندا كوروناۆيرۋس كۇدىگىمەن 80 ادام اۋرۋحاناعا جاتقىزىلعان
2020-جىلدىڭ 6- قاڭتارىنان 2- اقپان ارالىعىندا ەلىمىزگە 27 مىڭ 448 ادام كەلگەن، دەپ حابارلايدى قازاقپارات دەنساۋلىق ساقتاۋ مينيسترلىگىنىڭ رەسمي سايتىنا سىلتەمە جاساپ.
دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ سانيتارلىق-كارانتيندىك پۋنكتىلەرىنىڭ ماماندارى الماتى قالاسىنداعى حالىقارالىق اۋەجايدا - 20 مىڭ 613 ادامدى، تەمىرجول ۆوكزالدارىندا - 399 جولاۋشىنى تەكسەردى.
«جرۆي بەلگىلەرىمەن 80 ادام كوپشىلىكتەن وقشاۋ اۋرۋحاناعا جاتقىزىلدى، ونىڭ 39 ى جازىلىپ شىقتى. قازىر ستاتسيونارلاردا 41 ادام قالدى. اۋرۋحاناعا جاتقىزىلعانداردىڭ بارلىعىنىڭ سىناماسى قوسىمشا باقىلاۋ ءۇشىن الماتىداعى ايقىمبايەۆ اتىنداعى اسا قاۋىپتى جۇقپالى اۋرۋلاردىڭ ۇلتتىق عىلىمي ورتالىعىنا جىبەرىلدى. بۇل ورتالىق جاڭا كوروناۆيرۋستى پ ت ر-دياگنوستيكالاۋ ادىستەمەسىن يگەرگەن» دەلىنگەن حابارلامادا.
رەسپۋبليكادا تەراپيا ءۇشىن قاجەتتى ءدارى-دارمەك پەن مەديتسينالىق بۇيىمدار بار، جۇقپالى اۋرۋحانالاردى وقشاۋلاۋعا ارنالعان بوكستار، ارنايى دارىگەرلىك جانە ورتا مەديتسينالىق پەرسونال دايىندالعان.
ايتا كەتۋ كەرەك، بۇل جاعداي ق ر دەنساۋلىق ساقتاۋ مينيسترلىگىنىڭ تۇراقتى باقىلاۋىندا.
رەسمي اقپاراتتى دەنساۋلىق ساقتاۋ مينيسترلىگىنىڭ Facebook پاراقشاسىنان وقي الاسىز جانە كەز كەلگەن سۇراق بويىنشا تاۋلىك بويى جۇمىس ىستەيتىن 1406 بايلانىس ورتالىعىنا قوڭىراۋ شالۋعا بولادى.