ساپاربايەۆ كورەيالىق حيرۋرگتارعا 80 مىڭ دوللار تۇراتىن وتانى قالاي تەگىن جاساتتى؟
اقتوبەلىك دارىگەرلەر باعاسى قىمبات تۇراتىن كۇردەلى وتانى شەتەلدىك مامانداردىڭ تەگىن جاساعانىنا تاڭدانىسىن جاسىرعان جوق.
«ءبىز كۇردەلى وتالاردى ۇيرەنۋ ءۇشىن شەتەلگە وقۋعا بارعاندا وندا كوپ ۇيرەتپەيدى. ەلىمىزگە كەلگەندە عانا ءبارىن كورسەتەدى. ولار مەملەكەتتىك تاپسىرىسپەن شاقىرىلادى. وتكەن جىلى جاسالىنعان ترانسپلانتاتسيالىق سوڭعى وتا تەگىن جاسالىندى. كورەيادان كەلگەن دارىگەرلەرگە بەردىبەك ماشبەك ۇلى «ءبىزدىڭ مەرەكەمىز بولىپ جاتىر. ەلىمىزدە تاۋەلسىزدىكتىڭ 25 جىلدىعىن تويلاپ جاتىرمىز. ءبىر وتانى تەگىن جاساپ بىرىڭىزدەر» دەپ ايتتى.
ءبىز شەتەلدىكتەر تەگىن ەشتەڭە جاسامايدى دەپ ويلايمىز. ءبىراق، ولار ماشبەك ۇلىنىڭ ءوتىنىشىن جەرگە تاستاعان جوق. اۋىر ناۋقاسقا شالدىققان ادامنىڭ ءومىرىن ۇزارتىپ، ءبىر وتانى تەگىن جاساپ كەتتى. ونداي وتالاردىڭ قۇنى شەتەلگە بارسا 80-100 مىڭ دوللارعا شىعادى»، - دەيدى اقتوبەلىك حيرۋرگ قايرات سابىر.
وبلىس اكىمىنىڭ باستاماسىمەن اقتوبەدە كورەيا تەحنولوگياسى بويىنشا مەديتسينالىق كلاستەر قۇرىلادى.
«بيىل كورەيا دارىگەرلەرىمەن بىرلەسىپ، تاعى 4 وتا جاسايتىن بولامىز. بارلىق وتا ۆيدەوعا تۇسىرىلەدى. ونى ءوزىمىز دە قاراپ ۇيرەنەتىن بولامىز. قازىر شەتەلدىك ماماندارمەن بىرلەسىپ، ءوزىمىز دە وتاعا قاتىسىپ جاتىرمىز. ناۋقاستار ءۇشىن بارلىق وتا تەگىن. بارلىق شىعىندى مەملەكەت كوتەرەدى. بۇل ءوتىپ جاتقان شەبەرلىك ساباقتارى ءبىزدىڭ جەتىلۋىمىزگە كومەكتەسەدى. 2015 -جىلدان باستاپ 16 ادام ءبىلىمىن جەتىلدىرۋ ءۇشىن شەتەلدە ءبىلىم الۋعا باردى»، - دەيدى وبلىستىڭ باس حيرۋرگى ەرلان سۇلتانگەرەيەۆ.