استانادا جاستارى 80 گە جاقىنداعان جۇپ نەكەگە قايتا تۇرۋعا ءوتىنىش ءبىلدىردى

استانا. قازاقپارات - استانادا ا ح ا ج ءبولىمى ەرەكشە نەكە قيۋ راسىمىنە دايىندالۋدا.

بۇرىن اجىراسىپ كەتكەن ەگدە جاستاعى جۇپ نەكەگە تۇرۋعا 80 جاسىندا ءوتىنىش بىلدىرگەن. نيكولاي كيريللوۆيچ پەن ۆالەريا يۆانوۆنا ا ح ا ج تاريحىنداعى ەڭ ەگدە قالىڭدىق پەن كۇيەۋجىگىت اتاندى.

«ءيا، بىزگە ءارتۇرلى جاستاعى ازاماتتار نەكەگە تۇرۋ ءۇشىن ءوتىنىش بىلدىرەدى. مىسالى، بۇگىن ءبىر جۇپ ەكىنشى رەت نەكەگە تۇرۋ ءۇشىن ارىز جازدى. ەكەۋى دە 1936 -جىلى تۋعان. 1991 -جىلى اجىراسقان ولار ارادا ءبىراز ۋاقىت وتكەننەن كەيىن قايتا تابىسقان»، - دەيدى استاناداعى سارىارقا ا ح ا ج ءبولىمىنىڭ قىزمەتكەرى باقىتكۇل شايكەنوۆا Sputnik كە بەرگەن سۇحباتىندا. ا ح ا ج ءبولىمى ەگدە جاستاعى قاريالاردى كوپ كۇتتىرمەۋ ءۇشىن باسقالار سياقتى نەكەلەرىن ءبىر ايدا ەمەس، ەكى اپتا ۋاقىت ىشىندە راسىمدەۋگە بەل بۋعان.

«30 جىل وتاسقاننان كەيىن اقىماقتىقپەن اجىراستىق. ۋاقىتىندا اقىلعا كەلىپ، بىرگە تۇرا باستادىق. ەندى، مىنە، قايتادان زاڭدى تۇردە ۇيلەنۋدى ءجون كوردىم. جۇبايىم مۇنى بۇرىننان قالايتىن. ال ءبىز بۇگىن ا ح ا ج بولىمىنە ءوتىنىش بىلدىردىك. بارىنەن بۇرىن بالالارىمىز قۋاندى. «اتاپ وتەمىز بە؟» دەپ سۇرادى. مىنە، داستارحان باسىندا قۋانىشىمىزدى اتاپ ءوتىپ، قوناقتاردى كۇتىپ وتىرمىز»، - دەيدى نيكولاي كيريللوۆيچ.

تالايدى كورگەن قاريا جاستارعا ءوز اقىلىن ايتتى. «جاستار، بولماشى ۇساق-تۇيەككە كوڭىل اۋدارماڭدار، وپاسىزدىق جاساماڭدار. اجىراسساڭدار، كەيىن وكىنىپ جۇرەسىڭدەر. ادالدىق پەن ءوزارا تۇسىنىستىكتى ساقتاپ قالۋعا تىرىسىڭدار، ۇرىسپاڭدار»، - دەدى كۇيەۋجىگىت.

 

Stan.kz