بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «SOS بالالار اۋىلى» باعدارلاماسىنىڭ ديرەكتورى زاۋرەش ارىستانوۆا ءمالىم ەتتى.
«ەگەر ءبىز الدىن الۋ شارالارىن قولعا الماساق، الەۋمەتتىك مەكەمەلەردە بالالاردىڭ سانى ارتپاسا، تومەندەمەيدى. SOS ءوزىنىڭ جوبالارىن كەڭەيتۋدى قولعا الدى. باعدارلاماعا قاتەرلى توپقا ەنگەن بالالار تارتىلا باستادى. 5-6 جىلدىڭ ىشىندە بۇل جوبا ءوزىن اقتادى. ول بالانىڭ ءوز وتباسىندا قالۋىنا باعىتتالعان. جوبا اياسىندا اتا-انالاردىڭ جانە الەۋمەتتىك مەكەمەلەردىڭ كەلىسىمىمەن قاتەرلى توپتاعى وتباسىلارمەن كەلىسىم جاسالادى جانە بارلىق رەسۋرستار قامتاماسىز ەتىلەدى. ءبىز بالاعا دا، وتباسىعا دا كومەك جاساپ وتىرامىز. ال اتا-انالار كەلىسىمدەگى شارتتاردى ورىنداۋعا كەلىسەدى»، - دەيدى ز. ارىستانوۆا.
ساراپشىلاردىڭ ايتۋىنشا، كامەلەتتىك جاسقا تولماعاندارعا قاتىستى زورلىق-زومبىلىق نەگىزىنەن وسىنداي از قامتىلعان وتباسىلاردىڭ قاراۋسىز قالعان بالالارىنا قاتىستى ورىن الىپ جاتادى. بالالار ەسەيگەندە قىلمىسقا ءجيى بارىپ، قوعام ومىرىنە بەيىمدەلە الماي كەتەدى. سوندىقتان SOS باستاعان بۇل جوبانىڭ اۋقىمى كەڭەيۋى ءتيىس دەپ ەسەپتەيدى ولار.
اۆتور: جاسۇلان جولدىبايەۆ