بەيبارىس سۇلتاننىڭ 800 جىلدىعىنا وراي بايقاۋ جاريالاندى
وسىعان وراي ءدىني باسقارمانىڭ ءتول باسىلىمدارى «مۇنارا» گازەتى مەن «يمان» جۋرنالى اۆتورلار مەن وقىرماندار اراسىندا «ۇلى دالانىڭ بارىسى - بەيبارىس سۇلتان» رەسپۋبليكالىق شىعارماشىلىق بايقاۋىن جاريالايدى.
بايقاۋدىڭ ماقساتى:
قازاق توپىراعىنان تۇلەپ ۇشىپ ماملۇكتەر مەملەكەتىنىڭ نەگىزىن قالاعان بەيبارىس سۇلتاننىڭ يسلام ءدىنى مەن الەم تاريحىندا قالدىرعان ەرەن ەڭبەگىن، ماملۇكتەر مەملەكەتىن باسقارعان باسقا دا قىپشاق سۇلتاندارىنىڭ وشپەس ءىزىن كوپشىلىككە ناسيحاتتاۋ.
بەيبارىس باستاعان قىپشاق سۇلتاندارى جايلى تاريحي، تاعىلىمدىق، تانىمدىق ماقالالار جازۋ ارقىلى گازەت-جۋرنالدار وقىرماندارىنا وي سالۋ.
بايقاۋدىڭ مىندەتى:
باسىلىمداردىڭ وقىرماندارىن ىنتالاندىرۋ، شىعارماشىلىق ىزدەنىسىن، قۇلشىنىسىن ارتتىرۋ، بابالار ەرلىگىن وقىرماندارعا سەزىندىرۋ.
بايقاۋ شارتتارى:
بايقاۋعا بەيبارىس سۇلتان جانە باسقا دا ماملۇك مەملەكەتىن ءۇش عاسىر بويى بيلەگەن قىپشاق سۇلتاندارى (قالاۋىن، قايتپاي، بارقۇق، بارىسباي، قانسۇق، تۇمانباي ت. ب) جايلى جازىلعان تاريحي، تانىمدىق، تاعىلىمدىق ماقالالار (ەسسە، زەرتتەۋ ت. ب) قابىلدانادى (ولەڭدەر قابىلدانبايدى). سونداي-اق بايقاۋعا ماملۇك سۇلتاندىعى مەن التىن وردا حاندىعى اراسىنداعى ءدىني، ديپلوماتيالىق بايلانىستار (بەيبارىس پەن بەركە ت. ب) جايلى جازىلعان ماقالالاردى دا جولداۋعا بولادى.
شىعارماشىلىق جۇمىستار Microsoft Word تۇرىندە جولدانۋى قاجەت. ماقالا كولەمى 14 شريفتپەن، 1,0 ينتەرۆالمەن جازىلۋى جانە 5 بەتتەن اسپاۋى ءتيىس.
ءبىر قاتىسۋشى ءبىر عانا ماتەريال جىبەرە الادى. شىعارمالار قازاق تىلىندە قابىلدانادى. بايقاۋعا قاتىسۋشىلاردىڭ جاسىنا شەكتەۋ قويىلمايدى.
بايگەگە قاتىسۋشىلار جۇمىستارىنا تولىق اتى-ءجونىن، تەلەفون ءنومىرىن، مەكەن-جايىن جانە وزدەرى تۋرالى قىسقاشا مالىمەت قوسىپ، iman@muftyat.kz ەلەكتروندى پوشتاسىنا جولداۋى قاجەت.
بايقاۋ تالاپتارى:
ماقالالار «ۇلى دالانىڭ بارىسى - بەيبارىس سۇلتان» دەگەن بەلگىمەن قابىلدانادى. بايقاۋعا قاتىسۋشى «مۇنارا» گازەتىنە نەمەسە «يمان» جۋرنالىنا جازىلعان بولۋى مىندەتتى (تۇبىرتەگىن بىرگە جولداۋ قاجەت).
شىعارماشىلىق جۇمىستاردى قابىلداۋ 2023 -جىلدىڭ 10-اقپانىندا باستالىپ 2023 -جىلدىڭ 10-قىركۇيەگىندە (استانا ۋاقىتى بويىنشا ساعات 00-دە) اياقتالادى.
جوعارىدا كورسەتىلگەن تاقىرىپتارعا قاتىسى جوق، ەلىمىزدى، ءتىلىمىزدى، ءدىنىمىزدى مانسۇقتايتىن ماتەريالدار قابىلدانبايدى. شىعارمالاردىڭ تىڭ، مازمۇندى، ساپالى بولۋىنا اسا ءمان بەرىلەدى.
بايقاۋ بارىسى:
بايقاۋ جەڭىمپازدارىن كاسىبي جۋرناليستەردەن جانە ءدىن ماماندارىنان قۇرالعان قازىلار القاسى انىقتايدى.
جەڭىمپازدار ءماۋلىت كەشىندە (ناقتى ۋاقىتى قوسىمشا حابارلانادى) ماراپاتتالادى.
جەڭىمپاز اۆتورلاردىڭ شىعارمالارى «مۇنارا» گازەتى مەن «يمان» جۋرنالىندا جاريالانادى.
جۇلدە قورى:
ءبىرىنشى ورىن - ۇمرا قاجىلىعىنا جولداما
ەكىنشى ورىن - 200 مىڭ تەڭگە (ەكەۋ)
ءۇشىنشى ورىن - 150 مىڭ تەڭگە (ەكەۋ)
بۇدان بولەك 5 ادامعا ىنتالاندىرۋ سىيلىعى (70 مىڭ تەڭگەدەن) بەرىلەدى.
ۇيىمداستىرۋشىلار:
قازاقستان مۇسىلماندارى ءدىني باسقارماسىنىڭ «مۇنارا» گازەتى مەن «يمان» جۋرنالى
رەداكسيانىڭ مەكەن-جايى:
استانا قالاسى، قاراساز كوشەسى، 3.
muftyat.kz