POLISIA. KZ تەلەگرام-اروناسىنىڭ مالىمەتىنشە، قارلى بوران سالدارىنان ورىن الاتىن جول-كولىك وقيعالارىن بولدىرماۋ ماقساتىندا اعىمداعى جىلدىڭ 12-قاڭتارىندا استانا - ەرەيمەنتاۋ - شىدەرتى رەسپۋبليكالىق تراسساسىن جابۋ تۋرالى شەشىم قابىلداندى. پوليتسيا ناريادتارى جانە باسقا دا قۇزىرەتتى ورگاندار كۇشەيتىلگەن قاۋىپسىزدىك شارالارىن قابىلدادى: بلوك بەكەتتەر قويىلدى، جاقىن ماڭداعى ەلدى مەكەندەردە جىلىتۋ پۋنكتتەرى بەلگىلەندى، قوسىمشا ەكيپاجدار ەنگىزىلدى. جولدىڭ جابىلۋى مەن قارلى بۇرقاسىنعا بايلانىستى كولىكتەردىڭ جينالۋى پايدا بولدى.
«13-قاڭتاردا پوليتسيا دەپارتامەنتىنىڭ باسشىلىعى پاترۋلدىك پوليتسيا روتاسىنىڭ ەكيپاجدارىنىڭ كولىكتەر تىزبەسىن ءبىر تىزبەكپەن الىپ ءجۇرۋىن قامتاماسىز ەتۋ تۋرالى شەشىم قابىلدادى. كۇنى بويى پوليتسيا ەكيپاجدارى ەلوردادان پاۆلودار وبلىسىنىڭ شەكاراسىنا دەيىن 300 گە جۋىق كولىك قۇرالىن الىپ ءجۇردى، تاعى 500 اۆتوكولىكتى پاۆلودار وبلىسىنان استاناعا دەيىن كەرى باعىتتا الىپ ءجۇردى»، - دەپ جازدى اقپارات كوزى.