شىعىس قازاقستاندا 800 توننادان استام پىشەن جانىپ كەتتى
22:31, 10 - تامىز 2021
وسكەمەن. قازاقپارات - شىعىس قازاقستان وبلىسىندا بيىل ءورت قاۋپى جوعارى كەزەڭ باستالعالى بەرى 800 توننادان استام پىشەن جانعان، دەپ حابارلايدى قازاقپارات ءتىلشىسى.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءوڭىر بويىنشا ءورت قاۋىپسىزدىگى ەرەجەلەرىنىڭ ساقتالماۋىنان 840 توننا پىشەن جانىپ كەتتى.
«ءورت سوندىرۋشىلەر اپتا سايىن جەم- ءشوپ ساقتالاتىن جەرلەردە، پىشەن جينالعان سارايلاردا شىققان قىزىل جالىنمەن كۇرەسۋگە اتتانادى. مۇنداي ورتتەر ءۇرجار، كوكپەكتى، جارما، اياگوز، بەسقاراعاي جانە كۇرشىم اۋداندارىندا تىركەلگەن. كوپ جاعدايدا ءورت شىعۋىنىڭ نەگىزگى سەبەپتەرى - وتتى ابايسىز پايدالانۋ جانە ءورت قاۋىپسىزدىگى تالاپتارىنىڭ ساقتالماۋى»، - دەلىنگەن حابارلامادا.
ايتا كەتەيىك، ءورتتىڭ الدىن الۋ ماقساتىندا قۇتقارۋشىلار شارۋا قوجالىق يەلەرى مەن ساياجاي تۇرعىندارىنا ءتۇسىندىرۋ جۇمىستارىن جۇرگىزۋدە.