جەلدەتۋ اپپاراتىنىڭ 800 داناسى شىعارىلىپتى. وكپەنى وتتەگى- اۋا قوسپاسىمەن جاساندى جەلدەتۋگە ارنالعان اپپارات جەدەل جاردەم كولىكتەرىندە، وقيعا ورنىندا، حيرۋرگيا بولىمدەرىندە، جانساقتاۋ جانە ينتەنسيۆتى تەراپيادا قولدانىلىپ كەلەدى. رەسپۋبليكا بويىنشا وبلىستارعا وسىنداي اپپاراتتىڭ 500-دەن استام داناسى جونەلتىلگەن.
«اقمولا وبلىسى بويىنشا 60 جاساندى جەلدەتۋ اپپاراتى جەتكىزىلدى، ولاردىڭ ىشىندە 17 اپپارات وبلىستىق دەنساۋلىق ساقتاۋ باسقارماسىنا قايىرىمدىلىق كومەك رەتىندە تابىس ەتىلدى. زاۋىتتا جاساندى تىنىس الۋ اپپاراتتارى جاڭارتىلىپ، نەگىزگى جيناقتاۋشى كومپلەكتىلەرى ازىرلەنۋدە. زاۋىتقا ءالى دە مەديتسينالىق مەكەمەلەر مەن جەكە تۇلعالاردان تاپسىرىستار تۇسۋدە»، - دەيدى قالا اكىمدىگىندەگىلەر.
«جاساندى تىنىس الۋ اپپاراتتارى جاڭارتىلىپ، نەگىزگى جيناقتاۋشى كومپلەكتىلەرى ازىرلەنۋدە. سونداي- اق كاسىپورىندا 200 دايىن كومپلەكتىلەر بار. زاۋىتقا ءالى دە مەديتسينالىق مەكەمەلەر مەن جەكە تۇلعالاردان تاپسىرىستار تۇسۋدە»، - دەيدى قالا اكىمدىگىندەگىلەر.
ايتا كەتەيىك، سوڭعى كەزدەرى زاۋىتتا نەگىزگى جۇمىستاردان بولەك، كوروناۆيرۋس ينفەكتسياسىمەن كۇرەسۋ ءۇشىن قاجەتتى «كوكشەتاۋ 4پ» جاساندى تىنىس الۋ اپپاراتى، مەديسينالىق ماسكا، قورعانىس كيىمدەرى شىعارىلىپ جاتىر.
اۆتور: اسلان وسپانوۆ