«8- قازان كۇنى استانا قالاسى اۋەجايىنىڭ جەلىلىك پوليتسياسىنا 59 جاستاعى استانا تۇرعىنى شاعىمداندى. ول وسى كۇنى ساعات 20:30-دا تاراز -استانا رەيسىمەن ۇشىپ كەلىپ، اۋەجاي اۆتوتۇراعىندا تۇرعان كەزىندە ءوزىنىڭ قۇنى 800 مىڭ تەڭگە بولاتىن كوستيۋمىن بەلگىسىز بىرەۋدىڭ قولدى قىلعانىن ايتتى»، - دەلىنگەن حابارلامادا.
باسپا ءسوز قىزمەتى مامانىنىڭ سوزىنشە، كومپلەكتىدە شالبارى مەن جەلەتكەسى بار كوستيۋم ۇلى بريتانيادا تىگىلگەن. جابىرلەنۋشى كيىمدى اۆتوتۇراقتا ءبىراز ۋاقىت قاراۋسىز قالدىرادى، ال قايتا اينالىپ كەلگەندە اسا قۇندى كوستيۋمىن تابا المايدى.
كوپ ۇزاماي اقمولا وبلىسىنىڭ 34- جاستاعى ازامات ۇستالدى. ۇرلانعان زات تاركىلەندى. ۇستالعان ازامات ءوز كىناسىن مويىندادى. قازىرگى ۋاقىتتا تەرگەۋ جۇرگىزىلىپ جاتىر.