جاسى 80 گە تاياعان دەموكرات 2020 -جىلعى ا ق ش پرەزيدەنتتىگىنە سايلاۋعا تۇسۋگە نيەتتى
07:40, 24 - شىلدە 2017
استانا. قازاقپارات - سەناتور- دەموكرات بەرني ساندەرس 2020 -جىلى ا ق ش پرەزيدەنتىگىنە قايتا داۋىسقا ءتۇسۋ مۇمكىندىگىن تالقىلاۋدا، دەپ حابارلايدى Hill باسىلىمى سەناتوردىڭ كومەكشىسىنە سىلتەمە جاساپ.
ەسكە سالا كەتسەك، 2016 -جىلعى سايلاۋ ناۋقانىنا بەلسەنە قاتىسقان ساندەرس پرەزيدەنتىككە دەموكراتيالىق پارتيا اتىنان ۇمىتكەر بولعان حيللاري كلينتوننان ۇتىلعان ەدى. «ءيا، ول قايتا تۇسۋگە ەڭبەك ءسىڭىردى، ول ەگەر دەموكراتتار اتىنان كانديدات بولسا، ترامپتى (ا ق ش پرەزيدەنتى) سايلاۋدا جەڭەمىن دەپ ەسەپتەيدى»، - دەگەن ساندەرس كومەكشىسىنىڭ ءسوزىن كەلتىرەدى باسىلىم.
ساندەرس كەلەسى پرەزيدەنتتىك سايلاۋعا نيەتى بار ەكەندىگىن جاريا تۇردە مالىمدەگەن جوق. 2020 -جىلى ونىڭ جاسى 79 عا تولادى. بۇدان بۇرىن ساندەرس ترامپتىڭ 2020 -جىلى ەكىنشى مەرزىمگە قايتا سايلانبايتىندىعىن مالىمدەگەن بولاتىن.