8 ميلليون ادامدى دەكلاراتسيادان بوساتۋ موبيلدى اۋدارىمدارعا قالاي اسەر ەتەدى

  استانا. KAZINFORM - قارجى مينيسترلىگى مەملەكەتتىك كىرىستەر كوميتەتىنىڭ ماماندارى جالپىعا بىردەي دەكلاراتسيانىڭ ءتورتىنشى كەزەڭىن توقتاتۋ ءموبيلدى اۋدارىمداردى باقىلاۋ ەرەجەسىنە قانداي وزگەرىس ەنگىزەتىنىن ءتۇسىندىردى.

«100 اۋدارىم» قاعيداتى وزگەرە مە؟

8 ميلليون قازاقستاندىقتى جالپىعا بىردەي دەكلاراتسيادان بوساتۋ تۋرالى شەشىم «موبيلدى 100 اۋدارىم» قاعيداتىن وزگەرتە مە؟ قارجى مينيسترلىگىنەن تاراعان سوڭعى جاڭالىقتارعا بايلانىستى حالىق اراسىندا وسىنداي سۇراق ءجيى قويىلىپ جاتىر. مەملەكەتتىك كىرىستەر كوميتەتىنىڭ ماماندارى سۇراققا جاۋاپ بەردى.

قولدانىستاعى ەرەجە بويىنشا، كاسىپكەر رەتىندە تىركەلمەگەن جەكە تۇلعانىڭ شوتىنا قاتارىنان 3 ايدىڭ ىشىندە 100 دەن ارتىق اۋدارىم جاسالسا، سالىق ورگانى ونى كاسىپكەر دەپ تانۋى مۇمكىن. دەمەك، كاسىپكەرلىك ارەكەتپەن اينالىسىپ جۇرمەگەنىنە كوز جەتكىزۋ ءۇشىن ءوز باقىلاۋىنا الادى.

الايدا بۇل نورما قولدانىستاعى كاسىپكەرلىك كودەكسكە سايكەس ەمەس. كودەكستىڭ 35-بابىنداعى 2-تارماقتىڭ 2-تارماقشاسىندا ەڭ تومەنگى ايلىقتىڭ (85 مىڭ تەڭگە) 12 ەسەلەنگەن مولشەرىنەن اساتىن تابىس تاپقان جەكە تۇلعانى سالىق ورگانى دارا كاسىپكەر رەتىندە تانىپ، ەسەپكە قويا الاتىنى ايتىلعان.

«100 اۋدارىم» قاعيداتى مەن كاسىپكەرلىك كودەكستىڭ تالابىن بىرىزدەندىرۋ ءۇشىن وسى 35-باپتاعى 2-تارماقتىڭ 2-تارماقشاسىن وزگەرتىپ جازۋ كوزدەلىپ وتىر.

ونىڭ جاڭا رەداكسياسى مىنانداي بولماق:

«1 (ءبىر) جەكە تۇلعانىڭ قاتارىنان كۇنتىزبەلىك 3 (ءۇش) ايدىڭ ءارقايسىسىنىڭ ىشىندە 100 (ءجۇز) جانە ودان دا كوپ ءارتۇرلى تۇلعادان بانك شوتىنا جالپى سوماسى 3 ەڭ تومەنگى جالاقىدان اساتىن اقشا قاراجاتىن الۋى» دەپ وزگەرتۋ ۇسىنىلدى (2024 -جىلعى جاعداي بويىنشا 3 ە ت ج - 255 مىڭ تەڭگە)» .

قاراپايىم سوزبەن ايتساق، قاتارىنان 3 ايدىڭ ىشىندە جەكە تۇلعانىڭ شوتىنا 100 دەن ارتىق اۋدارىم جاسالسا، ول اۋدارىمداردىڭ جيىنتىق سوماسى ەڭ تومەنگى جالاقىنىڭ 3 ەسەلەنگەن مولشەرىنە تەڭگە بولسا (255 مىڭ تەڭگە) بۇل شوت يەسىن سالىق ورگانى باقىلاۋىنا الادى دەگەن ءسوز.

«250» نورمانى كىمدەر تاپسىرادى؟

پرەزيدەنت قاسىم-جومارت توقايەۆتىڭ اۋىل شارۋاشىلىعى ەڭبەككەرلەرى فورۋمىندا ايتقان سوزىنەن كەيىن ۇكىمەت جالپىعا بىردەي دەكلاراتسيانىڭ 4-كەزەڭىندە، ياعني 2025 -جىلدان باستاپ مۇلكى جونىندە مەملەكەتكە مالىمەت ۇسىنۋعا ءتيىس بولعان 8 ميلليون ادامدى دەكلاراتسيا تاپسىرۋدان بوساتۋ باستاماسىن كوتەردى.

قارجى مينيسترلىگى پرەمەر- ءمينيستردىڭ وسى تاپسىرماسىن ورىنداۋ ءۇشىن پارلامەنتكە دەكلاراتسيا راسىمدەرىن قىسقارتۋ تۋرالى ۇسىنىس ازىرلەپ جاتىر.

ول ۇسىنىس بويىنشا «250.00» نىساندى «اكتيۆتەر مەن مىندەتتەمەلەر» دەكلاراتسياسىن ۇسىنۋعا مىنا ساناتقا جاتاتىن قازاقستاندىقتار مىندەتتى بولادى:

شەتەلدە مۇلكى بار ق ر ازاماتتارى مەن رەزيدەنتتەر؛

سايلانبالى لاۋازىمعا، مەملەكەتتىك لاۋازىمعا ورنالاسۋعا جانە ولارعا تەڭەستىرىلگەن كانديداتتار؛

بانكتەردىڭ، باعالى قاعازدار نارىعىنىڭ، ساقتاندىرۋ ۇيىمدارىنىڭ ءىرى قاتىسۋشىسى بولعىسى كەلەتىن جەكە تۇلعالار.

بۇل جەردە شەتەلدەگى مۇلىك دەگەن ۇعىمعا قازاقستان اۋماعىنان تىس جەردە تىركەلگەن جىلجىمايتىن مۇلىك جانە كولىك، شەتەلدىك بانكتەردىڭ شوتتارىنداعى 1000 ا ە ك (3,7 ميلليون تەڭگە) استام سوماداعى اقشا، ينۆەستيتسيالىق باعالى مەتالدار، شەتەلدىك كومپانياداعى قاتىسۋ ۇلەستەرى، تۇرعىن ءۇي قۇرىلىسىنا قاتىسۋ ۇلەسى، باعالى قاعازدار، تۋىندى قارجى قۇرالدارى، بروكەرلىك شوتتارداعى اقشا، زياتكەرلىك مەنشىك، اۆتورلىق قۇقىق وبەكتىلەرى، سيفرلىق اكتيۆتەر، دەبيتورلىق/كرەديتورلىق بەرەشەك قۇنى 1000 ا ە ك (3,7 ميلليون ت گ) اساتىن مۇلىك (انتيكۆاريات، ءساندى زاتتار جانە ت. ب. ) كىرەدى.

«270» نورمانى كىم تاپسىرادى؟

ال جىل سايىن ۇسىنىلاتىن «270.00» نىساندى «كىرىستەر مەن مۇلىكتەر» دەكلاراتسياسىن مىنا ساناتتاعى ازاماتتار تاپسىرۋعا مىندەتتى بولادى:

مەملەكەتتىك قىزمەتشىلەر جانە ولارعا تەڭەستىرىلگەن ادامدار (ونىڭ ىشىندە كۆازيمەملەكەتتىك سەكتوردىڭ باسشىلارى مەن قۇرىلتايشىلارى) جانە ولاردىڭ جۇبايلارى؛

بانكتەردىڭ، باعالى قاعازدار نارىعىنىڭ، ساقتاندىرۋ ۇيىمدارىنىڭ ءىرى قاتىسۋشىلارى جانە ولاردىڭ جۇبايلارى؛

كوممەرتسيالىق ۇيىمداردىڭ باسشىلارى مەن قۇرىلتايشىلارى (قاتىسۋشىلارى) (اق- دا قاتىسۋ ۇلەسىنىڭ (داۋىس بەرەتىن اكسيالاردىڭ) % دان جوعارى جانە ودان كوپ بولسا جانە ولاردىڭ جۇبايلارى؛

جەكە پراكتيكامەن اينالىساتىن ادامدار (جەكەشە نوتاريۋس، جەكە سوت ورىنداۋشىسى، ادۆوكات، كاسىپقوي مەدياتور)؛

شەتەلدە مۇلكى بار تۇلعالار؛

دارا كاسىپكەرلىك تابىسىن قوسپاعاندا، دەربەس سالىق سالىناتىن تابىس العان تۇلعالار؛

شەتەلدىك بانكتەردە 1000 ا ە ك استام اقشاسى بار تۇلعالار؛

قازاقستاندا جانە ودان تىس جەرلەردە جيىنتىق قۇنى 20 مىڭ ا ە ك- تەن اساتىن ءىرى مۇلىكتى ساتىپ العان تۇلعالار.

بۇعان دەيىن حابارلانعانىنداي، قازاقستاندىقتاردىڭ ءبىر بولىگى دەكلاراتسيا تاپسىرۋدان بوساتىلدى.

قارجى ءمينيسترى ءمادي تاكيەۆ قۇنى 74 ميلليون تەڭگەدەن اساتىن اكتيۆ يەلەنگەن ازاماتتار نەگە دەكلاراتسيا تاپسىرۋعا مىندەتتەلەتىنىن تۇسىندىرگەن بولاتىن. سونداي- اق مينيستر جالپىعا بىردەي دەكلاراتسيانىڭ سوڭعى كەزەڭىن توقتاتۋ ءىرى شەنەۋنىكتەردىڭ مۇلكىن جاسىرۋعا مۇمكىندىك اشادى دەيتىن سىندارعا جاۋاپ بەردى.