ويىنقۇمارلىق ۋشىعىپ تۇر: ءباس تىگۋ مەن قۇمار ويىندار ءبىر جىلدا 8,5 ەسە كوبەيگەن

استانا. قازاقپارات - 2022 -جىلدىڭ قاڭتار- قىركۇيەگىندە ەلىمىزدە قۇمار ويىندار مەن ءباس تىگۋ ۇيىمداستىرۋ قىزمەتتەرىنىڭ كولەمى 456,2 ميلليارد تەڭگەنى قۇرادى.

بۇل 2021 -جىلدىڭ ءدال وسىنداي كەزەڭىمەن سالىستىرعاندا 8,5 ەسە جوعارى، دەپ حابارلايدى قازاقپارات ءتىلشىسى.

Energyprom پورتالىنىڭ مالىمەتىنشە، قۇمار ويىندار مەن ءباس تىگۋ ۇيىمداستىرۋ قىزمەتتەرىنىڭ كولەمى جىلجىمايتىن مۇلىك وپەراتسيالارى، ساۋلەت، ينجەرەلىك ىزدەنىستەر، تەحنيكالىق جانە ساراپتامالىق سىناقتار، سونىمەن قاتار كومپيۋتەرلىك باعدارلاما جاساۋ جانە كونسۋلتاتسيالىق قىزمەتتەردەن كەيىنگى ورىندا تۇر.

وتكەن جىلدىڭ 9 ايىندا سەكتورداعى قىزمەتتەردىڭ باسىم بولىگى ورتا كومپانيالارعا تيەسىلى - 276,4 ميلليارد تەڭگە.

ودان كەيىنگى ورىندا شاعىن (163,1 ميلليارد تەڭگە) جانە ءىرى كاسىپورىندار (16,7 ميلليارد تەڭگە) تۇر. ال جەكە كاسىپكەرلەرگە تەك 9,9 ملن تەڭگە عانا تيەسىلى.

ايتا كەتەرلىگى، 2021 -جىلى قىزمەتتەردىڭ ەڭ باسىم بولىگى شاعىن كومپانيالارعا (38,1 ميلليارد تەڭگە) ، ودان كەيىن ءىرى (9,9 ميلليارد تەڭگە) جانە ورتا كومپانيالارعا (5,8 ميلليارد تەڭگە) تيەسىلى بولعان ەدى.

فوتو: i.sunhome.ru