ۇلتتىق تەستىلەۋدە وتكەن 8 كۇن ىشىندە شاعىم قاراۋ كوميسسياسىنا 547 ءوتىنىش ءتۇستى
18:08, 13 - ماۋسىم 2016
استانا. قازاقپارات - تەستىلەۋدىڭ بارلىق 8 كۇنى بويىنشا (3-10 -ماۋسىم ارالىعى) رەسپۋبليكالىق اپەللياتسيالىق كوميسسيانىڭ (اپەللياتسيا؛ شاعىم، العاشقى شەشىمدەرگە شاعىنۋ نىساندارىنىڭ ءبىرى؛ جاردەم الۋ ماقساتىمەن ءوتىنىش جاساۋ - رەد.) قاراۋىنا بارلىعى 547 ءوتىنىش كەلىپ ءتۇستى. ونىڭ ىشىندە 141 تەست تاپسىرماسى قاناعاتتاندىرىلدى، دەپ حابارلادى ق ر ب ع م باسپا ءسوز قىزمەتى.
نەگىزىندە بۇل اپەللياتسيالار قازاق ءتىلى، ماتەماتيكا، بيولوگيا جانە قازاقستان تاريحى پاندەرىنەن بولدى.
كەلىپ تۇسكەن وتىنىشتەردى قاناعاتتاندىرۋدىڭ نەگىزگى سەبەبى:
- ءارتۇرلى اۆتورلاردىڭ وقۋلىقتارىنداعى ايىرماشىلىق؛
- تەحنيكالىق سەبەپتەر، ونىڭ ىشىندە باسپالىق قاتەلەر.
تەستىلەۋ اياقتالعاننان كەيىن بارلىق ۇ ب ت قاتىسۋشىلارىنا پاندەر بويىنشا جيناعان بالدارى كورسەتىلگەن سەرتيفيكاتتار بەرىلدى. وسى سەرتيفيكاتتىڭ نەگىزىندە ولار نورماتيۆتىك قۇجاتتاردا بەلگىلەنگەن قاجەتتى ەڭ تومەنگى بالدى جيناعان جاعدايدا جوعارى وقۋ ورىندارىنا اقىلى نەگىزدە وقۋعا تۇسۋگە جانە ءبىلىم گرانتتارىن تاعايىنداۋ كونكۋرسىنا قاتىسۋعا قۇقىلى.