دەپ حابارلايدى اكىمدىكتىڭ باسپا ءسوز قىزمەتىنەن.
ەسكە سالايىق، 1 - اقپاننان باستاپ استانا قالاسىنىڭ بارلىق اتقارۋشى ورگاندارى جاڭا جۇمىس كەستەسىنە كوشىپ، جۇمىس ءتارتىبى ساعات 8.30-دان باستاپ 18.00-گە دەيىن بەلگىلەنگەن بولاتىن. بۇل ءوز كەزەگىندە ەلوردالىق جولدارعا تۇسەتىن جۇكتەمەنى ازايتۋعا مۇمكىندىك بەردى. وتىرىس بارىسىندا قالا كوشەلەرىنە تۇسەتىن جۇكتەمەنى ودان ءارى ازايتۋ ءۇشىن وسىنداي وزگەرىستەر ەنگىزۋدى ورتالىق مەملەكەتتىك ورگاندار دا، ۇلتتىق كومپانيالار مەن جەكە مەنشىك كومپانيالار دا ءتۇسىنۋى كەرەكتىگى باسا ايتىلدى. بۇل تۇرعىدا ءتيىستى ورگاندارعا وزگە قۇرىلىمدارمەن ءوزارا ءىس- ارەكەتتى كۇشەيتۋ تاپسىرىلدى.
ەلوردا باسشىسى حالىقپەن ءورت قاۋىپسىزدىگى تاقىرىبىندا ءتۇسىندىرۋ جۇمىستارىن تۇراقتى تۇردە جۇرگىزۋ قاجەت ەكەندىگىن اتاپ ءوتتى. ەرەجەگە سايكەس ءورت سوندىرۋشىلەرگە وقيعا ورنىنا جەتۋ ءۇشىن 10 مينۋت ۋاقىت بەرىلەدى. قالالىق ورتكە قارسى قىزمەتتەر ۋاقىتىندا كەلگەنىمەن كوپ جاعدايدا ۇيلەرگە جاقىن بارا المايدى. تۇرعىندار اۋلالارعا شلاگباۋمدار مەن بەتون قورشاۋلاردى ءجيى قوياتىندىقتان قوزعالىس شەكتەلىپ، ءورت قاۋىپسىزدىگىنە قويىلاتىن تالاپتار بۇزىلۋدا.
«بۇل ماڭىزدى ماسەلە، مۇنداي كەزدە ءاربىر مينۋت قىمبات. ماسليحاتپەن بەكىتىلگەن ءورت قاۋىپسىزدىگى ەرەجەلەرى بار، اۋلاىشىلىك جولدار اشىق بولۋى كەرەك» - دەدى ءا. جاقسىبەكوۆ.
ونىڭ ايتۋىنشا، بۇل ماسەلە بويىنشا تۇرعىندار دا ءجيى شاعىمدانادى. قالا اكىمى سايتىنداعى «حالىقتىق باقىلاۋ» جانە «ۆيرتۋالدى قابىلداۋ بولمەسى» ايدارلارىنا ءوز بەتىنشە ورناتىلعان قورشاۋلاردى الىپ تاستاۋ تۋرالى اپتاسىنا كەمىندە 5-7 ءوتىنىش كەلىپ تۇسەدى. بۇل ماسەلەنى شەشۋ ءۇشىن شلاگباۋمداردى زاڭسىز ورناتۋ ماسەلەلەرى جونىندەگى جۇمىس توبىن قايتا قۇرۋ تاپسىرىلدى. ءورت قاۋىپسىزدىگى ماقساتىندا گاز باللوندار ساتاتىن ورىندار دا تەكسەرىلمەك. بۇل رەتتە كەز كەلگەن الىپساتارلىق پەن كۇماندى ءوندىرىس دەگەن بولماۋى كەرەك، - دەدى اكىمدىكتەگىلەر.