«تۋريستىك سالاسىن دامىتۋدىڭ 2026 -جىلعا دەيىنگى تۇجىرىمداماسىنا سايكەس، 2026 -جىلعا قاراي ەلىمىزدىڭ جالپى ىشكى ونىمدەگى تۋريزمنىڭ ۇلەسى كەمىندە 8,2 پايىزىن قۇرايدى. ال تۇرۋ جانە تاماقتانۋ بويىنشا كورسەتىلەتىن قىزمەتتەر كولەمى 2020 -جىلمەن سالىستىرعاندا 17,3 پايىزعا ارتادى. 2026 -جىلى تۋريستەرگە قىزمەت كورسەتۋ سالاسىنىڭ 90 پايىزى سيفرلاندىرۋدان وتەدى. ساياحات پەن تۋريزمدى دامىتۋدىڭ جاھاندىق يندەكسى بويىنشا قازاقستان الەمدىك رەيتينگىندە 50-ورىن، ال تۋريستىك سەرۆيس ينفراقۇرىلىمى دامىعان ەلدەر اراسىندا 70-ورىنعا كوتەرىلەدى»، - دەلىنگەن ۇسىنىلىپ وتىرعان تۇجىرىمدامادا.
ەسكە سالاي كەتەيىك، بيىل قازاقستانعا 200 مىڭعا جۋىق شەتەلدىك تۋريست كەلگەن. ولاردىڭ باسىم كوپشىلىگى الماتى، نۇر- سۇلتان قالالارى مەن قىزىلوردا جانە ماڭعىستاۋ وبلىستارىندا دەمالىسىن وتكىزگەن.
اۆتور
ءاليحان اسقار