الماتىدا جەڭىل كولىك ايالداماعا سوعىلىپ، 7 ادام زارداپ شەكتى
17:15, 28 - تامىز 2023
الماتى. قازاقپارات - الماتىدا ««Mercedes» جۇرگىزۋشىسى رۋلگە يە بولا الماي، اۆتوبۋس ايالداماسىنا سوعىلدى. بىرنەشە ادام زارداپ شەكتى، دەپ حابارلايدى قازاقپارات ءتىلشىسى.
ونىڭ ۆيدەوسى الەۋمەتتىك جەلىدە تارادى. الماتى قالالىق پوليتسيا دەپارتامەنتىنىڭ مالىمەتىنشە، جول اپاتى بۇگىن تۇسكى ساعات 12:20 دا بولدى. 36 جاستاعى «Mercedes» كولىگىنىڭ جۇرگىزۋشىسى ابىلاي حان داڭعىلى بويىمەن جوعارى قاراي ءجۇرىپ كەلە جاتىپ، رايىمبەك داڭعىلىنا سولعا بۇرىلعان كەزدە ءرۋلدى باسقارا الماي، ايالداماعا سوعىلعان. «سالدارىنان ايالدامادا تۇرعان 7 ادام زارداپ شەكتى. ولار قالانىڭ مەديتسينالىق مەكەمەلەرىنە جەتكىزىلدى. جول-كولىك وقيعاسى فاكىسىن المالى اۋدانىنىڭ قىزمەتكەرلەرى تىركەپ، وندىرىسكە قابىلداندى»، - دەپ حابارلادى پوليتسيادان.