ۇلى بريتانيادا مەدبيكەگە 7 ءسابيدى ءولتىردى دەگەن ايىپ تاعىلدى
14:21, 19 - تامىز 2023
لوندون. قازاقپارات – ۇلى بريتانيادا مەدبيكە ليۋسي لەتبي جەتى ءسابيدىڭ ولىمىنە كىنالى دەپ تانىلدى، دەپ حابارلايدى قازاقپارات BBC- گە سىلتەمە جاساپ.
ول 2015 -جىلدىڭ ماۋسىمى مەن 2016 -جىلدىڭ ماۋسىمى ارالىعىندا چەستەر اۋرۋحاناسىنىڭ گرافينياسىندا (چەستەردەگى نەگىزگى NHS اۋرۋحاناسى) جۇمىس ىستەگەن كەزدە جاڭا تۋعان نارەستەلەردى شپريتسپەن اۋا ەنگىزۋ ارقىلى ولتىرگەن.
سونداي- اق اۋرۋحانانىڭ جاڭا تۋعان نارەستەلەر بولىمشەسىندە ادەيى اۋا ەنگىزۋ، ارتىق تاماقتاندىرۋ جانە ينسۋلينمەن ۋلانۋ سياقتى ادىستەردى قولدانىپ، تاعى التى نارەستەنى ولتىرمەك بولعانى ءۇشىن كىنالى دەپ تانىلدى. قازىلار القاسى سابيلەردى ولتىرۋگە وقتالۋعا قاتىستى تاعى التى ايىپ بويىنشا ۇكىم شىعارا المادى. پروكۋرورلار بۇل باپتار بويىنشا ءىستى قايتا قاراۋ ءۇشىن 28 كۇن سۇراعان.
مانچەستەر سوتى 21-تامىزدا لەتبيگە قاتىستى ۇكىم شىعارۋى كەرەك.