بىلتىر قازاقستان تاريحىنا قاتىستى 7 مىڭنان استام قۇجات ەلگە اكەلىنگەن
13:53, 20 - قاڭتار 2023
استانا. قازاقپارات - وتكەن جىلى تاريحي قۇجاتتاردى تۇگەندەۋ ماقساتىندا ماماندار شەت ەلدەردەن قازاقستانعا 7 مىڭنان استام قۇجات اكەلدى.
بۇل تۋرالى مادەنيەت جانە سپورت مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى اسحات ورالوۆ ايتتى، دەپ حابارلايدى قازاقپارات ءتىلشىسى.
«عىلىمي- رەستاۆراتسيالىق جۇمىستار مەن ارحەولوگيالىق زەرتتەۋلەردىڭ ۇزدىكسىز جۇرگىزىلۋىنىڭ ارقاسىندا مۋزەي قورلارى تۇراقتى تۇردە جاڭا ەكسپوناتتارمەن تولىعىپ كەلەدى. مىسالى، بىلتىردىڭ وزىندە 18 ارحەولوگيالىق زەرتتەۋ جاسالعان، 30-عا جۋىق ەسكەرتكىش قايتا جوندەلدى. وعان قوسا، ارحيۆشىلەر تاريحي قۇجاتتاردى تۇگەندەۋ ماقساتىمەن وتكەن جىلى ەلىمىزگە 7 مىڭنان استام قۇجاتتى شەت ەلدەردەن اكەلدى. ول قۇجاتتاردا ارعى- بەرگى تاريحىمىزدان سىر شەرتەتىن قۇندى دەرەكتەر جەتكىلىكتى ەكەنى انىق»، - دەپ توقتالدى مادەنيەت جانە سپورت ءمينيسترى اسحات ورالوۆ.
اۆتور
ءاليحان اسقار