اۋەجاي باسپا ءسوز قىزمەتىنىڭ مالىمەتىنشە، اقنۇر دوسماعامبەتوۆا استانا-الماتى باعىتىندا KC852 رەيسىمەن كەلگەن 7 ميلليونىنشى جولاۋشى اتاندى. اۋەجاي وكىلدەرى ونى VIP ايماعىندا قارسى الىپ انتالياعا ەكى ادامعا ارناعان سەرتيفيكات تابىس ەتتى.
«بيىل ءبىز ءۇشىن رەكوردتىق جىل بولدى. الماتى اۋە ايلاعىنىڭ وتكىزۋ قابىلەتىن 14 ميلليون جولاۋشىعا دەيىن ارتتىرۋ ءۇشىن ءبىز 2024-جىلدىڭ جازىندا پايدالانۋعا بەرىلەتىن جاڭا حالىقارالىق جولاۋشىلار تەرمينالىن سالۋعا كىرىستىك»، - دەلىنگەن حابارلامادا.
بۇعان دەيىن الماتى اۋەجايى VIP تەرمينالدى جاڭا ورىنعا كوشىرۋگە قاتىستى تۇسىنىك بەرگەن بولاتىن.